Пост канала
Марий Элысе ныл предприятий – демографийлан полшышо радамыште Россий Правительстве Председательын икымше алмаштышыже Денис Мансуров ден Правительстве Председательын алмаштышыже Татьяна Голикова демографий йодыш шотышто совещанийым эртареныт. Тыгак регионласе предприятийлаште корпоративный демографический стандартым илышыш шыҥдарыме нерген каҥашеныт. Совещанийыш Марий Элым Вуйлатыше Юрий Зайцев ушнен. Икымше вице-премьер палемден: демографий политикым илышыш пуртымаште тӱҥ рольым кугыжаныш модеш, тыгодым йочам шочыктымаш паша вер, доход да профессионально кушкаш йӧн улмо дене чак кылдалтын. Регион вуйлатыше-влак ден бизнес ты шотышто пашам вияҥдаш ямде улмыштым ончыктат. Марий Элым Вуйлатыше Юрий Зайцев палемден: «Кундемыштына бизнес ӧрдыжеш огеш код, 40% пашаеҥым ешартыш полышым пуымо шотышто коллективный договор дене авалтыме. Тиде илыме вер шотышто полыш, ик гана тӱлалтше выплате, диспансеризаций, мӱшкыран ӱдырамаш-влаклан полыш, лывырге паша график, 1-5-ше класслаште тунемше ача-ава-влаклан ешартыш каныш кече, санаторийыш да йоча лагерьыш путёвкылан компенсаций. Ешлаште йоча-влак шукырак шочышт манын, кугыжаныш да бизнес дене пырля йӧным умбакыжат ышташ тӱҥалына». Республикнам федеральный кӱкшытыштӧ палемденыт. Всероссийский КПД-рейтингыште (демографийлан корпоративный полыш рейтинг), а тушко элысына 50 эн сай промышленный предприятий пурен, Марий Эл гыч ныл организаций логалын. Нунын коклаште – «Феррони Йошкар-Ола» ООО, Марий целлюлоз-кагаз комбинат, «Акашевский» чыве фабрике да Красногорский автофургон комбинат.
Открыть в MAX- Просмотры
- 79
- ER
- 3,8%
- Реакции
- 3