«Кугарня» газет – «Марий Эл» увер агентстве»

У НОМЕР 🍂

🌃 Марий Элыште «Сымыктыш йӱд» эрта 3 ноябрьыште Россий мучко «Сымыктыш йӱд» акций эрта. Мероприятий-влак Калык-влакын икоян улмо кечыштлан пӧлеклалтыт да «В единстве культур — сила народа» девиз почеш палемдалтыт. Тиде кечын элысе тоштерлаште, театрлаште, ончер зал ден книгагудылаште толшо-влаклан мероприятий-шамыч лийыт.

📲МАКС национальный мессенджерыште «Марий Эл Республикын цифровой сервисше-влак» чат бот пашам ышта Тудын полшымыж дене республикысе кучем орган-влакын каналышкышт куснаш лиеш, тушто официальный информаций савыкталтеш. Мутлан, бот Марий Элым Вуйлатыше Юрий Зайцевын, регионысо Правительствын, республикысе РСЧС-ын, МФЦ-ын да молынат каналышкышт писын куснаш йӧным ышта. Тыштак министерстве ден ведомство-влакын регионысо чат-ботыштым погымо. Нунын коклаште: 🔹«Онар» – регионышто военнослужащий-влаклан социальный полышым пуымо мере-шамыч нерген палдарыме сервис; 🔹«Мое здоровье» – медицине услуг…

🎓 Йошкар-Олаште мэрын стипендийжым 32 еҥлан пуэныт Марий Элын рӱдолаштыже олан мэржын стипендиятше-влакым суапландарыме торжественный церемоний эртен. Тений кугу наградым 32 еҥ налын: кӱшыл тунемме тӧнежлаште тунемше 16 студент да средне-специальный тунемме тӧнежлаште тунемше 16 студент. Тунеммаште, спортышто, творчествыште, наукышто да мер пашаште шкеныштым ончыктышо самырык еҥ-влаклан дипломым олан мэржын алмаштышыже Людмила Новосёлова кучыктен.

Марий Элыште «Идалыкын книгажым – 2026» ойырат 📚 С.Г.Чавайн лӱмеш Калыкле книгагудышто «Идалыкын книгаже – 2026» XII республикысе конкурслан старт пуалтын. Тудо 2005 ий годсек кок ийлан ик гана эртаралтеш. 📖 2025-2026-шо ийлаште лукмо книга-влак (тыгак кодшо конкурсышто участвоватлыдыме 2024 ийысе савыктыш-влак) налалтыт. Тираж – 30 экземпляр гыч. 🔹Йодмашым 26 ноябрь марте погат. 🔹Йошкар-Ола, Пушкин урем, 28, каб.116 (1 пачаш) Сеҥыше-влакым идалыкын эн сай книгаже лӱм вуча, а чыла савыктыш книгагудысо ончерыш да тудын фондышкыжо логалеш.

🎲 Марий Эл гыч СВО-н ветеранже нард дене Российын чемпионатыштыже дебютироватлен Мемнан республик деч таҥасымашке «Герои Марий Эл. Талешке-влак» кадр-влакым ямдылыме программын выпускникше, Волжский округысо администрацийым вуйлатышын алмаштышыже Альфред Нурмухаметов ушнен. 📸 Министерство спорта Республики Марий Эл

🏆 Марий Эл гыч айкидо дене мастер-влак Российын первенствыштыже 4 верым налыныт Респеубликнан сборныйжо 22 гыч 26 октябрь марте Орёл олаште эртыше всероссийский таҥасымашлаште регионнам чаплын ончыктен. 👏 Первенствыште элнан 21 регионжо гыч представитель-шамыч вашлийыныт, каласкаленыт Марий Эл Республикысе Спорт министерствыште Кундемнан сборныйжо ты таҥасымаште 4 общекомандный верым налын: 🥇1 вер: Кирилл Васенев ден Анастасия Христюк. 🥈2 вер: Елизавета Яшкирева. 🥉3 вер: Матвей Тетешев ден Валерия Комарова. Тиде кечылаштак Российын Кубокшат эртен, тушто 🥉 3 верым Анастасия Гордилова…

🔖АНОНС 30 октябрьысе номерыштына ЛУДСА ⬇️ Эртыше каныш кечылаште Йошкар-Олаште «Калык вургем пайрем унала ӱжеш» регион-влак кокласе фестиваль-конкурс мастар еҥ ден модельер-влакым 13-шо гана чумырен. Пайрем «Финн-угор транзит» тӱнямбал сымыктыш да калык усталык фестиваль кышкарыште эртен. Тудо 23-26 октябрьыште Йошкар-Олаште тӱрлӧ регион гыч унам иквереш чумырен. Ныл кече жапыште Марий Элын рӱдолаже Российысе финн-угор калык-шамычын йӱлаш пурышо тӱвыраштым чумырымо рӱдер лийын. 1 гыч 4 ноябрь марте фестиваль эстафете Карелий Республиклан кусна. «Калык вургем пайрем унала ӱжеш» конкурс Мар…

🚉 Санкт-Петербург гыч Йошкар-Олашке поезд ынде 5 минутлан варарак толаш тӱҥалеш – 06:05 шагатлан. Йошкар-Ола – Санкт-Петербург маршрут дене состав 6 минутлан кужунрак каяш тӱҥалеш. Туге гынат кайыме жап тошто семынак кодеш: 23:50 – Марий Элын рӱдолаж гыч, 17:45 – Йӱдвел рӱдолан Москосо вокзалже гыч. 2027 ий 1 январь гыч тӱҥалын, поезд кок рӱдола коклаште ик кече гыч кошташ тӱҥалеш.

🌐 26-30 октябрьыште Йошкар-Олаште Марий кугыжаныш университетыште «Языки. Культуры. Этносы» IV калык-влак кокласе форум эртаралтеш. Мероприятий Российысе калык-влакын икоян улмо идалыкыштлан пӧлеклалтын. Тудын цельже – наукым, практикым да инновацийым иктыш ушаш, тыгак национальный йӱлам арален кодаш да традиционный поянлыкым чумыраш полшаш. 📸 Форумын ВК-се тӱшкаж гыч налме.