Пост канала
- фото
Шернур район Купсолаште Йыван Кырлан суртыштыжо тӱньык гыч шикш лектеш, а коҥгаштыже тул йӱла. Тидын нерген «Марий Эл» газет воза. «Кырланур – луй модмо вер» проектын авторжо Зоя Дудина шке кундемжым тӱзатышаш верч, тӱнямбалне кумдан палыме землякшын шочмо ялжым чапландарыме верч кугу кумылым, вийым пышта. Марисола вел Купсола ялыште чоҥен шогалтыме пӧртыштыжӧ вашке шож мелна пушланаш тӱҥалеш. Кукнур кундем Чисола ял гыч коҥгам оптышо мастар Эчан (Александр) Терехов шке вел-шамыч – кидмастар Валерий Тойшев (ялыште тудым Опин Валик маныт) ден СВО-н ветеранже, кидпашалан тунемаш кумылан Максим Эштыков – дене вич кече шонкален-вискален пашам ыштеныт. Ушештарена, Шернур кундемыште Йыван Кырлан шочмо верыштыже Йыван Кырлан пӧртшым ыштат. Тиде пашам Марий Элын калык писательже Зоя Дудина тарватен колтен, еҥ-влакын полшышышт дене илышыш пурта. Фото: vk.ru/gazeta_mari_el
Открыть в MAX- Просмотры
- 172
- ER
- 0,6%
- Реакции
- 1