Марий Эл Радио

Оршанке районысо кум ялыш канде тул толын. «Газпром газораспределение Йошкар-Ола» предприятийын специалистше-влак газопровод-влакым чоҥен шуктеныт. Чумыржо – 2,8 километр. Канде тул Изи Кугланур, Яндыган, Нольвож яллаш толын. Тиде объектым ыштымеке, 44 пӧртыш газым пурташ йӧн лектын. Тачысе кечын ты кундемыште илыше-влак 31 ойпидышым пеҥгыдемденыт. Фото: gazprommap.ru

Йошкар-Олам пӱртӱс пожар дечын аралаш минерализованный полоса-влакым ыштат. Тиде паша ончылгоч шукталтеш, тыге шокшо жапыште тӱҥалын кертше да мланде гыч толшо тулазаплан шарлаш огеш пу. Тиде сомылым Акшубино, Шоя-Кузнецово ял-влак воктене ыштеныт. Мэрийыште палдарат, Йошкар-Олан ужашышкыже пурышо вес ял-влак воктенат тиде пашам шукташ тӱҥалыт.

Марий Элын Вуйлатышыже Юрий Зайцев ялозанлык пашаеҥ-влакым профессионал пайремышт дене саламлен да наградым кучыктен. Пайрем Самырык-влакын полатыштышт лийын. Регион вуйлатыше палемден, мемнан республике гыч кочкыш сату - сай качестван, тиде мландыште тыршыше-влакын кугу пашашт. Вич ийыште Марий Элыште АПК предприятийлаш льгот кредит-влакым 26 миллион теҥгелан ушеныт, 6 миллиард теҥге кугыжаныш полыш ойыралтын, тудын дене 3,6 тӱжем единице технике да оборудованийым налыныт. Кадр йодышланат тӱткыш ойыралтеш, 2022 ий гыч отральыште тыршыше-влаклан полыш 450 тӱжем теҥге марте кугемын. Тений рес…

Наукым вияҥдымашке надырым пыштымыжлан да пашаште сеҥымашке шумыжлан Марий Эл Республикын Правительствыж пеленысе В.М. Васильев лӱмеш Марий шымлыше институтын «Лингвистике» направленийжын шанче пашаеҥже Андрей Валерьевич Чемышев Марий Эл Республикым Вуйлатыше Ю.Зайцевын 2026 ий 22 октябрьысе 130-шо №-ан Указше почеш «За заслуги перед Марий Эл» орденын медальже дене палемдалтеш. Ушештарена, Андрей Валерьевич интернет кумдыкышто марий йылмым шарен. 2008 ийыште марий йылме дене сайтым ыштен, мутер-влакым цифроватлымаште пашам виктерен, марла мутерым дискыште вес шанчызе-влак дене пырля луктыныт,…

Тиде кечылаште, 23-26 октябрьыште, Марий Эл «Финн-угор транзит» калык сымыктыш да искусство шотышто тӱнямбал фестивальым вашлиеш. Мероприятий-влак В. Васильев лӱмеш Марий шымлыше институтышто, Т. Евсеев лӱмеш калыкле тоштерыште, Эрик Сапаев лӱмеш опер да балет театрыште, Я. Эшпай лӱмеш Марий кугыжаныш филармонийыште да моло тӧнежлаште лиеш. 24 октябрьыште фестивальын концерт программыже Эрик Сапаев лӱмеш опер да балет театрыште лиеш. Марий Эл дечын вара «Финно-угорский транзит» Карелийыш кая, тушто 1-4 ноябрь марте пайрем мероприятий лиеш. Тыгак ты фестиваль жапыште В. Васильев лӱмеш Марий…

«Театральное Приволжье» конкурс участник-влакым вуча. Тушто самырык да йоча-влаклан театр коллектив-влак йодмашым 18 ноябрь марте пуэн кертыт. Йодмашым театральноеприволжье.рф сайт гоч колтыман. Ушештарена, кодшо ийын Марий Элыште регионысо этапыште «Петя и волк» музыкальный йомак да Волжск оласе «Синяя птица» школ театр ойыртемалтыныт. http://театральноеприволжье.рф

Йошкар-Олан мэрийыштыже рӱдолам у ийлан сылнештарыме нерген йодышым каҥашеныт. Мэрын пашажым жаплан шуктышо Антон Трудинов бизнес еҥ-влак дене вашлиймашым эртарен. Тудын мутшо дене, пайрем шӱлышым оласе кучем веле огыл, тыгак кафе, офис, кевыт-влак пуртат. Нунат пайрем вашеш шке кумдыкыштым сылнештарат гын, ола эреат сылне лиеш. Тидын годым зданийлаш пурымаште, витрине, окнам сылнештарыме нерген ойленыт. Архитектур да градостроительстве виктем тений ныл концепций гыч иктыжым ойырен шке кумдыклан у ий тӱсым пурташ темла. Тиде «Красный город», «Лесная сказка», «Зимние истории», «Новогодний арт…

СВО участник да нунын ешышт пашам мумо шотышто йодышым МФЦ-ште рашемден кертыт. Тидын шотышто пашам темлыше рӱдер да МФЦ-н дирекцийже ойпидышым пеҥгыдемденыт. Тудын дене келшышын, специалист-влак паша шотышто, «Работа России» кадр рӱдерыш возалтме да йодмашым пуымо нерген улшо йодышым рашемден кертыт. Ынде пашам муаш нине категорий еҥ-влаклан пашам темлыше рӱдерлаш кайыман огыл. Специалист деке верыштак возалташ лиеш. Тидлан пелен Кугыжаныш услуго порталын учетный записьше кӱлеш.

Марий Элын депутатше-влак 19 сессийыште йодыш-влакым каҥашеныт. Парламентарий-влак икмыняр закон проектым онченыт. Тиде, мутлан, СВО участник-влаклан паша верлаште квото-влак ойыралташ тӱҥалыт. Тидын дене пырля Марий Элын гимнже нерген законыш ешартышым пуртеныт. Республикын гимнжым спорт да моло пайрем мероприятийлаште Российысе гимн дене пырля йоҥгалтараш тӱҥалыт. Детутат-влак 14 ий марте йоча-влакым вӱд воктене шкетыштым кодымыштлан ача-авам административно мутым кучаш шогалтыме шотышто йӱкленыт. Тидыже йоча-влакын лӱдыкшыдымылыкыштлан кӱлеш. Фото: Марий Элын Кугыжаныш погынжо.

У кечым вашлийына! Поро лийже!☀️ #КЕЧЫН_ФАКТШЕ 1976 ий 23 октябрьыште М. Шкетан лӱмеш Марий кугыжаныш драме театрын художественный вуйлатышыже, уста режиссёр, Марий Элын калык артистше Роман Алексеев шочын. Таче тудо шке лӱмгечыжым палемда. Марий Эл Радио уло кумылын Роман Юрьевичым 50 ияш лӱмгечыж дене саламла!🎉 Тазалыкым, пиалым, илыш куаным да сото илышым, пашаште у сеҥымашым тыланена.