Пост канала
- фото
«У Торъял — Немда Овалже — Советск» корнышто олмыктымо пашам мучашлыме. Икмыняр тылзе жапыште «Марий Эл Дорстрой» корно пашаеҥ-влак тошто шартышым фрезероватленыт, у лончым пыштеныт. Пашаеҥ-влак вӱдым колтышо 17 пучым олмыктеныт да корно тӱрым шаргӱ дене пеҥгыдемденыт. Лӱдыкшыдымылыклан барьер авыртышым да сигнальный меҥгым шогалтеныт. Чумыржо 11 километр корным нормативлан келыштареныт. Тений У Торъял округышто «Инфраструктура для жизни» нацпроект дене келшышын чылаже 27 километр наре корным олмыкташ палемдыме. Шукшан эҥер гоч 57,45 погонный метр кужытан кӱварым капитально олмыкташ тӱҥалаш планыште. Фото: vk.ru/idzhmariyel
Открыть в MAX- Просмотры
- 170
- ER
- —
- Реакции
- —