Пост канала
- фото
Марий Элыште шым врач илыме вер условийжым саемдаш 3 миллион теҥге дене налын. Тидын нерген республикын тазалыкаралтыш министрже Владимир Гладнев палдарен. Тиде йӧным регион вуйлатыше Юрий Зайцевын темлымашыже дене 2024 ийыште республикыште пуртеныт. Тудо кӱлешан кадрым ситараш «Продолжительная и активная жизнь» нацпроектын «Медицинские кадры» регионысо преокт дене ойыралтеш. Тиде программе сай лектышым ончыктен. Кок ийыште 14 врачлан республикысе бюджет гыч 3 миллион теҥге дене ойыралтын. У специалист-влак Перинатал рӱдер, Республикысе клинический эмлымвер, Республикысе психоневрологий да наркологий диспансерлаште пашам ышташ тӱҥалыт. Ты радамыште гинеколог, анестезиолог-реаниматолог, психиатр, стоматолог-влак, аллерголог–иммунолог. Тений республикыш эше 10 врач толеш. Невролог, акушер-гинеколог, хирург да моло специалист-влак пашам ышташ тӱҥалыт. Ойпидыш дене келшышын, выплатым налше врач медицине организацийыште 10 ий дечын шагал огыл пашам ыштышаш. Тачысе кечын Марий Элыште 209 врач огеш сите.
Открыть в MAX- Просмотры
- 167
- ER
- —
- Реакции
- —