Пост канала
- фото
Оршанке районысо Лужбеляк ялыш канде тул толын. Тиде кундемыште газын редуцированийжын кок пунктшым ыштеныт. Тидын вашеш 26 километр газ пучым чоҥеныт. Газым чӱктымашке Промышленность, экономике вияҥмаш да ужалымаш министр Владимир Халюзин, Оршанке районын вуйлатышыже Андрей Шабалин, администраций вуйлатыше Ленар Балтаев, «Йошкар-Оласе газпром газораспределение» ушемын генеральный директоржо Михаил Владимиров ушненыт. Тачысе кечын Лужбеляк ялыште илыше-влак газым пурташ 70 ойпидышым ыштеныт, пӧртлашке канде тул толаш тӱҥалын. Газым «Программа развития газоснабжения и газификации Марий Эл на 2026-2030 годы» программе дене ыштеныт. Технически 145 пӧртыш, шуко пачеран кок пӧртыш, верысе школыш, ялысе тӱвыра пӧртыш газым пурташ лиеш.
Открыть в MAX- Просмотры
- 269
- ER
- —
- Реакции
- —