Пост канала
- фото
Марий кундем гыч поэт, писатель-влак финн-угор писатель-влакын конференцийыштышт пашам ыштат. Тиде кечылаште тудо Ханты-Мансийскыште эртаралтеш. Тушко Российын тӱрлӧ регионлаж гыч 100 утла литератор чумырген. Марий Эл гыч «Ончыко» журналын тӱҥ редакторжо Игорь Попов, Марий Элын калык писательже Александр Петров, самырык поэт Кристина Быкова, «Марий Эл Радион» тӱҥ редакторжо, поэт, драматург Володя Матвеев каеныт. Каласыман, пленарный заседанийыште «Ончыко» журналын тӱҥ редакторжо Игорь Попов докладым лудын, тыгак Марий Элын калык писательже Александр Петров дене усталык вашлиймаш лиеш. Конференцийыште кызытсе сылнымутын вияҥме корныжо дене палдарыше мутланымаш, вашлиймаш эртаралтыт. Тидын дене пырля книга презентаций-влак лийыт. Участник-влак автор права, кусарыме шотышто семинарыш ушнат. Конференцийыште «Югорика» книга выставке эрта. Возаш тӱҥалше автор-влаклан шке каҥашыштым лӱмлӧ поэт, писатель-влак пуат.
Открыть в MAX- Просмотры
- 180
- ER
- —
- Реакции
- —