Пост канала
- фото
Йошкар-Оласе 6-шо номеран сымыктыш школын у зданийже почылтын. Ончыч тудо 19-ше номеран школ пелен верланен, кодшо ийын Анников урем 1 номеран пӧрт адрес дене зданийыш куснен. Ынде школын кок корпусыжо, тений эше ик у корпусым почыныт. Тудо Фестивальный урем 75 адрес дене верланен. Тунемме верым муниципал бюджет кӱшеш капитально тӧрленыт. Зданий тӱжвачынат, кӧргыж гычынат тӱрыс вашталтын. Тӱжвачын тудым сӱретче Илья Белов семӱзгар-влак дене сылнештарен. Сымыктыш школышто класс-влакым тӧрленыт, у мебельым вераҥденыт, тидын дене пырля семӱзгар-влакат уэмденыт: фортепиано, скрипкым, баяным, балалайкым, гармоньым, тыгак ош рояльым налыныт. Сымыктыш школышто 250 йоча усталык шӱлышыжым вияҥда.
Открыть в MAX- Просмотры
- 173
- ER
- —
- Реакции
- —