Лениногорск яңалыклары

Татарстанда, шул исәптән Лениногорск районында юл иминлеге буенча «Көзге каникуллар» профилактик чарасы 26 октябрьдән башланды. 📍26 октябрьдән 8 ноябрьгә кадәр балаларның юл‑транспорт җәрәхәтләрен киметүгә юнәлдерелгән чаралар комплексы оештырылачак: рейдлар, мәктәпләрдә куркынычсызлык дәресләре, балаларны йөртү кагыйдәләрен бозуларны булдырмау. 🚨Дәүләт автоинспекциясе машина йөртүчеләрне мәктәпләр һәм юл кичүләре янында игътибарлырак булырга, ә ата – аналарны балаларга юл йөрү кагыйдәләрен искә төшерергә һәм куркынычсыз маршрутлар эшләргә чакыра.

Агроном көзен агач кәүсәсен ничек агартырга һәм эремәне ничек ясарга икәнен аңлатты Ак катламның кояш нурларын кире кайтаруы сәбәпле, кайры көндез азрак җылына һәм төнлә кинәт түгел, ә озаграк суына. Бу исә кайрының ярылып китүен булдырмауга ярдәм итә. 30 еллык эш стажына ия булган агроном Диденко шул хакта аңлатып үткән. Калын кайрылы зур агачларга зыян килү куркынычы аз булса да, кәүсәсен агарту ярылудан, корткычлардан саклый. Тулырак: https://zamansulyshy.ru/news/jemgyiyat/agronom-kozen-agac-kausasen-nicek-agartyrga-ham-eremane-nicek-iasarga-ikanen-anlatty

🎉Иске Иштирәк мәктәбендә көзге бал - уңыш бәйрәме уздырылды 🍁Көз аенда мәктәптә уздырыла торган бәйрәмнәрнең иң көтеп алынганы инде ул Көзге бал.  Көз алтын төсләре, муллыгы һәм күркәмлеге белән аерыла. Укучылар һәм укытучылар әзерләгән көзге бал бәйрәмендә дә әлеге сүзләр чагылыш тапты.  Тулырак: https://zamansulyshy.ru/news/yanaliklar/iske-istirak-maktabenda-kozge-bal-unys-bairame-uzdyryldy-fotolar

✴️ Дуслар, бераз ял итеп алыйк әле. Кызыклы сораулар сезгә, табышмаклар. Җавапларын комментарийга яза аласыз. ✅1. Аны һәркем ярата.Ул бер дә искерми. Ул елата, моңлата, күңелләрне күтәрә. Әниләр дә аның белән балаларын йоклата. ✅2. Ата-ананың көзгесе нәрсә? ✅3. Нинди фигураның башы да , ахыры да юк? ✅4. Бөтен гаилә белән тартып чыгара торган яшелчә ✅5. Берьюлы ничә куян артыннан куарга ярамый?

Шимбә, 31 октябрьдә, Лениногорск шәһәре һәм районы халкы Социаль фондның Лениногорск клиентлар хезмәтенә өстәмә кабул итүгә языла ала. Бу хакта Клиент хезмәте җитәкчесе Айгөл Исламова  хәбәр итә. ⏰Лениногорскилыларны  9.00 сәгатьтән 15.00 сәгатькә кадәр кабул итәчәкләр. 📍Игътибар: Лениногорск Социаль фонды яңа адрес буенча кабул итә: Ленинградская урамы , 71 А йорт. ☎ Кабул итүгә Бердәм контакт-үзәкнең телефон номеры буенча 8 (800) 100-00-01 (шалтырату бушлай) язылырга була. Шулай ук шул көнне килүчеләрне чират буенча да кабул итәчәкләр. https://zamansulyshy.ru/news/yanaliklar/leninogors…

📍Россиядә 2027 елның 1 сентябреннән һөнәри белем бирү федераль мәгариф учреждениеләре студентларының, аспирантларның, ординаторларның һәм ассистент-стажерларның стипендияләре 4 процентка индексацияләнәчәк. 💬 Эксперт әйткәнчә, индексация Федераль һөнәри белем бирү учреждениеләре студентларына гына түгел, ә аспирантларга, ординаторларга һәм ассистент-стажерларга да кагылачак.

Лениногорскиның Г.Тукай исемендәге үзәк китапханәсендә якташ әдәбият галиме, шагыйрь, профессор Әнвәр Шәриповның 85 яшьлеге уңаеннан иҗади очрашу узачак.   📍28 октябрьдә, 13.00 сәгатьтә.   Белешмәләр өчен телефон: 885595 – 2- 31-74, 2-31-66

Лениногорскиның «Эрзянка» мордва вокаль ансамбленә – 40 ел "Һаман да хәтерлим: кунаклар җыелгач, әти гармунын ала һәм җыр суза башлый, аңа ике абыйсы кушыла. Шундый көчле җырлыйлар иде, тавыштан стеналар селкенә кебек тоела иде,- дип искә ала Мария Шалина. Тулырак: https://zamansulyshy.ru/news/yanaliklar/leninogorskinyn-erzianka-vokal-ansamblena-40-el

Кемдер белә, кемдер юк! Кемнәрнеңдер өе әйбәт,ире начар. Кайбер җырның сүзе әйбәт, көе начар.. Берәүләрнең җылы караш җанга ятмый, Кемдер сиңа үлеп гашыйк, күңел тартмый. Кемнәрнеңдер малы чиксез, рәхәте юк.. Түм-түгәрәк дөньясында бәхете юк. Кемнәргәдер озын гомер кыска кебек.. Кемдер китә кыска гына гомерен дә данга күмеп. Берәүләрнең матур сүзе, тәмнәре юк.. Берәүләрнең дөньясында гамьнәре юк.. Кайберәүләр юктан гына сөенгәндә.. Кемнәрнеңдер тормышының ямьнәре юк. Берәү өчен матурлык бар, ләкин күрми. Шатланырга сәбәбе күп, ләкин көлми. Кайберәүләр юклыкка да шөкер…

Лениногорск шәһәр суды 65 яшьлек ир-атка карата административ эшне карады, ул исерек хәлдә юл-транспорт һәлакәте китереп чыгарган. Тулырак: https://zamansulyshy.ru/news/yul-iminlege/leninogorsk-sudynda-iserek-kiles-avariia-kiterep-cygargan-soferny-xokem-ittelar