Пост канала
- фото, видео
Бүгүн, Аҕам саастаахтар күннэригэр, М.Н.Жирков аатынан култуура дыбарыаһыгар олохторун тухары култуура эйгэтигэр үтүө суобастаахтык үлэлээбит бэтээрээннэри чиэстээтилэр. Бэтэрээннэр толору астаах сандалы тула олорон, ирэ-хоро кэпсэттилэр, араас оонньуулары оонньоотулар, эҕэрдэ, ырыа иһиттилэр. Эдэр көлүөнэ биир идэлээхтэрэ эҕэрдэ тылларын эттилэр, сэмэй бэлэхтэрин туттардылар. Кинилэр холобур буолалларын эттилэр, өссө да этэҥҥэ, чэгиэн сылдьалларын баҕардылар. Салгыы атыы-эргиэн буолла. Ону кытта араас маастар-кылаастар ыытылыннылар. Гипсэ оҥоһуктарын кырааскалааһын, уруһуй, киэргэллэри оҥоруу - ким тугу сөбүлүүрүнэн дьарыктаннылар. Үөрүүлээх тэрээһини кэнсиэринэн түмүктээтилэр, бэтэрээннэр астынан, дуоһуйан тарҕастылар. @oloxsuola @ulusmedia
Открыть в MAX- Просмотры
- 194
- ER
- 3,1%
- Реакции
- 6