Пост канала
- фото
Аҕам саастаах дьон Аан дойдутааҕы күнэ аҕа көлүөнэ дьонугар ытыктабыл, күннэтэ ахсаабат болҕомто, истиҥ кыһамньыны уурарбытын санатар ытык күн буолар 👵🏻👴🏻 Бу күннэргэ Уолбут нэһилиэгин социальнай үлэһиттэрэ Елизавета Кононова, Владимир Слепцов ыччат түмсүүтүн кытта нэһилиэк кырдьаҕастарыгар көмөлөһөллөр, күһүҥҥү үлэлэрин үмүрүтэллэр 💪🏻💗 Ол курдук, «Тимуровский десант» тэрийэн, күрүө өрөмүөннээтилэр, кырдьаҕастар тиэргэннэригэр кууллаах буордары, мас муосталарын о.д.а. миэстэлэрин буллардылар, мас хайытан, таһан, сааһылаатылар, уу баһан көмөлөстүлэр 💪🏻👍👏🏻 Кырдьар сааска киһи сылаас сыһыана, болҕомтото төһөлөөх сыаналааҕын бары өйдүүбүт. Кырдьаҕас төрөппүттэргэ, көмөтө суох дьоҥҥо кыра да болҕомтону уурдахха, кыһамньыгын биэрдэххинэ, ол кини доруобуйатыгар быһаччы дьайар, туруга тупсар. Чугас дьоҥҥутун көрүҥ-истиҥ, харыстааҥ! Таптыыргытын этэ сылдьыҥ, Олох, хомойуох иһин, үйэлээх буолбатах! @hotugukyym
Открыть в MAX- Просмотры
- 241
- ER
- 1,7%
- Реакции
- 4