Пост канала
- фото
Ньирэйдэр көстүлэр💓 От суоҕа сүөһү төбөтүн ахсаанын аҕыйатарга күһэйэр. Былырыын от үүммэтэҕэ, 30 туоннаны эрэ бөчөппүппүт, атынын атыыласпыппыт. Быйыл аны сайыҥҥы халаан уута оттуур арыылары, кырдал сирдэри ылан, хоточчулары кыһалҕалаата. Техникалаахтар ким Аммаҕа, ким Мэҥэ Хаҥаласка, ким Хаҥалас хаҥас өттүгэр көһөн баран оттуурга күһэлиннибит. Бачча, техника уматыга кырыымчык кэмигэр кытаанах тургутуу. Күн бүгүнүгэр диэри оттуу сылдьабыт. Биһиги ырааҕынан-чугаһынан оттоон, бүгүҥҥү күҥҥэ 60-ча туонналанныбыт. Манна эбии үүннэрбит оппут уонна сенажпыт. Син-биир былаан туолбат. Ол аата кыһалҕаттан төбө ахсаанын аҕыйатабыт. Быйыл, былаан быһыытынан, өссө хотон туттуохтаах этибит. От былдьаһыгар былаан тоҕунна. Бу төбө ахсаанын аҕыйатарга иккис биричиинэ буолла. Онон, ньирэйдэрбитин атыылыырга сүбэлэһэн, быһаарыы ылыммыппыт. Бэҕэһээ ньирэйдэри кэлэн ылан бардылар. Эдэр киһи ийэтин настаабынньык оҥостон, сүөһү ииттэр толкуйу тобулбут. Техникалаахтар, хотонноохтор, оттуур сирдээхтэр. Арай сүөһүлэрэ суох. Кинилэр да хаһан эрэ 100 төбө сүөһүлээхтэрэ эбит... Олоххо араас буолар. Уол хараҕа умайарыттан көрдөххө, кытаанах санааны ылыммыт. Эдэр киһи, суолуҥ аһаҕас, санааҥ күүстээх, эрэлиҥ кыымнаах, толкуйуҥ тобуллаҕас, үлэҥ ситиһиилээх, хараҕыҥ куруук уоттаах буоллун💪🏼✊🏻👏🏻 #тыасирэ #хотон
Открыть в MAX- Просмотры
- 137
- ER
- 10,2%
- Реакции
- 14