Пост канала
- фото
Хоточчу - мин билигин олохсуйан олорор сирим. Суолтата тугуй диэн ыйытааччы элбэх. Онно хоруй биэрээри саха тылын быһаарыылаах улахан тылдьытын арыйабын. Маннык суруллар: ХОТОЧЧУ (13 том, 624 страница). сыһ. 1. Аллара диэки хотойон барарын курдук, өҕүлүннэри. Θ Прогнувшись, провалившись, провиснув. Күргэ хоточчу барбыт. ЯРС. Тимир сарай аннынан тыраабы хоточчу үктүү-үктүү өрө хааман испитэ. Ч. Айтматов (тылб). 2. көсп. , кэпс. Остуол муҥунан, толору (аста-үөллэ тарт). Θ Так, чтобы стол ломился (подавать еды). Атыыһыттар саҥа табаары, чэйи, табаҕы лааппыларын долбуура уйарынан хоточчу тардан кэбистилэр. П. Филиппов. Хоточчу тардыллыбыт астаах-үөллээх остуолга олорон, үбүлээрбит чэгиэн-чэбдик доруобуйатын туһугар хас да үрүүмкэни аһыы-аһыы түһэрдибит. П. Аввакумов. Оҕолор киирэ-тахса сылдьан ас бөҕөнү астаабыттар этэ. Сотору баай остуолу хоточчу тардан кэбиспиттэрэ. Дьону үөр. Сорох дьон ХОТОЧЧО дэнэр дииллэр. Тылдьыкка тиэрмин быһыытынан киллэриллибэтэх. Онон сөпкө суруллуута ХОТОЧЧУ диэн буолар. #топонимика #дэриэбинэаата
Открыть в MAX- Просмотры
- 141
- ER
- 2,1%
- Реакции
- 3