Пост канала
- фото
*Мария ЕМЕЛЬЯНОВА, Саха сиринээҕи Саллааттар уонна мотуруостар төрөппүттэрин кэмитиэтин бэрэссэдээтэлэ:* -Саллааттар кэмитиэттэрэ биир үксүн ыччат, эдэр дьону кытары үлэлиибит. Элбэх байыаннай чаастарынан сылдьан туох кыһалҕалаахтарынан көмөлөһөбүт, аармыйаҕа ыҥырыллыбыт уолаттарга "призывной пууҥҥа" тиийэн көрсөн сүбэ-ама биэрэбит, оскуола оҕолорун кытары эмиэ өрүү көрсөбүт, хайдах бэлэмнээх буолуохтаахтарын кэпсиибит. Онуоха биһиги ыччат миниистирэ Пётр Виталиевич Шамаевы кытары бииргэ сүбэлэһэн, быһаарсан үлэлии олоробут. Анал байыаннай дьайыы саҕаланыаҕыттан "хайдах гынан уолаттарбытыгар күүс-көмө буолабыт, өйүүбүт, көмөлөһөбүт" диэн эмиэ үгүстүк көрсөн кэпсэтэбит. Мин, холобур, Анал байыаннай дайыыга 17-тэ баран кэллим. Онно барарга-кэлэргэ Пётр өрүү көмөлөһөр, сүбэ-ама да буолар. Пётр эдэрдэри кытта эдэр, кырдьаҕастары кытта кырдьаҕас, тыа сирин иһиттэн билэр, дьоһуннаах дьону кытары биир үктэлгэ туран кэпсэтэр. Бэйэтэ Анал байыаннай дьайыыга барарын туһунан миэхэ этэн турардаах. Доҕотторо, үөлээннээхтэрэ барыталаабыттарын, улахан бааһырыы ылбыттарын кэннэ, уустук кэмҥэ бииргэ тутуһан сылдьаары, күүс-көмө буолаары, уһуну- киэҥи толкуйдуу барбакка, бэйэтинэн барбыта да элбэҕи этэр. Онно тиийэн баран сибээһин олох быспатаҕа, мэлдьи кэпсэтэ турарбыт. Кыргыһыыны этинэн- хаанынан билбит, чугас доҕоттору сүтэрии ыар туругун билбит, бэйэтэ эмиэ бааһыран, атаҕын сүтэрэн олоҕу сыаналыыр, дьон олоҕун тупсарарга күүскэ улэлэһиэҕэ. АБДь буттэҕинэ тыыннаах хаалбыт уолаттарбыт дойдуларыгар эргиллэн кэлэллэригэр бары өттүнэн бэлэм буолуохтаахпыт. Уолаттарбыт барахсаттар хайдах туруктаах кэлэллэрин бары даҕаны сэрэйэбит, билэбит. Сүтүктээх төрөппүттэргэ эмиэ дурда-хахха, көмө-ама буоларга үөһэттэн эмиэ үгүс күүс-көмө наада. Онно барытыгар кини бэйэтинэн сэрии ыар аһыытын билбит буолан, күүскэ үлэлэһиэҕэ, көмөлөһүөҕэ дии саныыбын. Элбэх оҕолоох ыал улахан оҕото буолан тыа сирин хара үлэтин, кыһалҕатын барытын иһиттэн билэн улааттаҕа. Университекка устудьуоннары кытары үлэлээбит буолан ыччаты, эдэрдэри хайдах хамсатары, бииргэ түмэри, биир санааҕа тиэрдэри билэр. Онон, төрөппүттэри, ийэлэри, аҕалары, ыччат дьону, саллааттары барыгытын уолбутун дойдубут Судаарыстыбаннай Дууматыгар талыаҕын, өйүөҕүн диэн ыҥырыам этэ.
Открыть в MAX- Просмотры
- 254
- ER
- 2,4%
- Реакции
- 6