Пост канала
- фото
Амма Алтаныгар Удиннары кытта билистим. Спортсмен ыал Сергей Константинович уонна Софья Николаевна биэс оҕоҕо амарах аҕалаах ийэ буолаллар 💯 Нэһилиэк биир көхтөөх, туора олорон биэрбэт, үлэһит дьоно. Алтаҥҥа эдэрчи ыал аҕыйах. Олортон Удиннар биирдэстэрэ, кыралыын-улаханныын спортка чугастар, куруук тэрээһин буолла да кытталлар. Софья сахалыы күрэхтэргэ тэҥнээҕин булбат, оһуоба хабылык-хаамыска курдук оонньууларга. Ону оҕолоругар эмиэ сыһыараллара үөрдэр, ол барыта түмүктээх. Оҕолор сатабыллаах, үлэҕэ сыстан ыараханнартан чаҕыйбат буола улааталлар. Оҕолорун сахалыы тыыннынан иитэн-такайан улаатыннараллар бэрт көстүү. Ол курдук «ийээ, аҕаа» дииллэр. Олоҥхо буоллун, тойук буоллун сатыыллар, боруобаланаллар. Соҕотох кыыстара ыллыыр. Сергей хайыһардьыт, улахан уол республикаҕа призер. Маны таһынан ыал оскуолаҕа, уһуйааҥҥа сүрүн үлэнэнэн муҥурдамматтар. Тыа дьоно кэтэх хаһаайыстыбалаахтар: сылгы, ынах, куурусса бэрийэллэр, эрдэ сибиинньэ да көрө сылдьыбыттара. Сир аһын кыралыын-улаханныын кэһэтэллэр, отчуттар. Эбэлэрэ Мария Петровна бэйэтэ эмиэ кэмигэр универсал спортсменка, билигин дьиэҕэ-уокка улахан солбуллубат көмөлөһөөччү, сиэннэр былдьаһар эбээлэрээ. Биһиги кэлэрбитигэр ынах ыан тарбыйахтары аһата сылдьар этэ! Бу курдук олохтон мунчаарбакка үөрэ-көтө сылдьар дьоннуун алтыһар – дьол! Алтан сэлиэнньэтин киэн туттар ыалыгар, көрсүө-сэмэй уонна туруу үлэһит дьоҥҥо сылдьан дуоһуйдум, астынным. Удиннарга ситиһиини, оҕолоругар доруобуйаны ❤️
Открыть в MAX- Просмотры
- 875
- ER
- 2,5%
- Реакции
- 22