Пост канала
Аллаһы Тәгалә һәрберегезне Үз рәхмәтендә кабул итсен. Бисмиллаһир-рахмәнир-раһим. • Гайләбез һәм туганнарыбыз өчен дога: Йә Аллаһ! Өйләребезгә тынычлык, үзара аңлашу һәм җылылык бир. Барлык туганнарыбызны, бертуганнарыбызны һәм якыннарыбызны төрле бәла-казалардан Үзең сакла. Арабыздагы туганлык җепләрен көчле кыл, бер-беребезне хөрмәт итеп, шатлыкларны бүлешеп яшәргә насыйп ит. Өлкәннәребезгә хәерле һәм сәламәт картлык бир. • Балаларыбыз өчен дога: Әй Аллаһым! Балаларыбызга һәм оныкларыбызга дөрес юлны күрсәт, күңелләренә иман вә мәхәббәт сал. Аларны авырулардан, яман күзләрдән һәм начар кешеләрдән ерак кыл. Балаларыбызны игелекле, күркәм әхлаклы һәм файдалы шәхесләр итеп үстерүне насыйп кыл. Алар безнең гайләбезнең шатлыгы булсыннар. • Сәламәтлек һәм бәрәкәт өчен дога: Йә Раббым! Авыручы якыннарыбызга шифа бир, сырхауларын гөнаһлардан пакьлану кыл. Барыбызның да эшләрен уң кыл, малларыбызга һәм ризыкларыбызга бәрәкәт җиткер. Барчабызга да иман белән яшәргә һәм иман белән бу дөньядан үтәргә насыйп кыл. Амин. Раббәнә әтинә фид-дүнья хәсәнәтән вә фил-әхирәти хәсәнәтән вә кыйнә гәзәбән-нәр. 🤲🏻 Иң кирәкле догалар 🤲🏻
Открыть в MAX- Просмотры
- 6 275
- ER
- 2,7%
- Реакции
- 167