Пост канала
- фото
#ЕвангелиеДня Претерпѣ́вый же до концá, тóй спасéтся. И проповѣ́стся сié евáнгелiе цáрствiя по всéй вселéннѣй, во свидѣ́телство всѣ́мъ язы́комъ: и тогдá прiи́детъ кончи́на. Егдá ýбо ýзрите мéрзость запустѣ́нiя, речéнную данiи́ломъ прорóкомъ, стоя́щу на мѣ́стѣ святѣ: и́же чтéтъ, да разумѣ́етъ: тогдá сýщiи во Иудéи да бѣжáтъ на гóры: и и́же на крóвѣ, да не схóдитъ взя́ти я́же въ домý егó: и и́же на селѣ́, да не возврати́тся вспя́ть взя́ти ри́зъ свои́хъ. Гóре же непрáзднымъ и доя́щымъ въ ты́я дни́. Моли́теся же, да не бýдетъ бѣ́гство вáше въ зимѣ́, ни въ суббóту. Бýдетъ бо тогдá скóрбь вéлiя, яковáже не былá от начáла мíра досéлѣ, нижé и́мать бы́ти. И áще не бы́ша прекрати́лися днíе о́ны, не бы́ ýбо спаслáся вся́ка плóть: избрáнныхъ же рáди прекратя́тся днíе о́ны. Тогдá áще ктó речéтъ вáмъ: сé, здѣ́ Христóсъ, или́ óндѣ: не ими́те вѣ́ры: востáнутъ бо лжехри́сти и лжепрорóцы и дадя́тъ знáменiя вéлiя и чудесá, я́коже прельсти́ти, áще возмóжно, и избрáнныя. Сé, прéжде рѣ́хъ вáмъ. А́ще ýбо рекýтъ вáмъ: сé, въ пусты́ни éсть, не изыди́те: сé, въ сокрóвищихъ, не ими́те вѣ́ры: я́коже бо мóлнiя исхóдитъ от востóкъ и явля́ется до зáпадъ, тáко бýдетъ пришéствiе Сы́на человѣ́ческаго: идѣ́же бо áще бýдетъ трýпъ, тáмо соберýтся орли́. Новый Завет, от Матфея святое благовествование, глава 24, 13-28
Открыть в MAX- Просмотры
- 285
- ER
- 5,3%
- Реакции
- 15