Пост канала
- фото
Кэбэи улусан Кэбэи билэкэҥнэ бичэ республикады Олонхо Ысыаахан дьугулин мулгур Элэ ҥэнчэ Олонхо Ысыахан дьугулин һо һоят дукра, укчэнмэттэ, тачин-ту эскэр өгөв бэҕэһэлти-дэ, ҥунмир-дэ бэиҥэлни. Адьитмакан һипкатми, илэ-дэ, оок-та эчэ эчин бис Олонхо Ысыахбан ооритан Кэбээйлэ, тикэрлэн Ысыаху аит дьондьидда бэил, һокнаникан. Ысыаху ааҥари, дасри-дэ ичукэнэкэл илэ-дэ, оок-та эчэ бис ҥунмир томалдьин ооритан. Би-дэмэр мээндьи мулгури эвэди төөрэндьи дьанилтакий иһумсам, укчэнэмсэм. Һэбээн билэкэн бэиҥэлни чэлэн улус ньун, республиканьун дэлтэ киҥкич гургэвчиртэн. Гургэ һо һойа бисин,тарав бэкэтькэмэн эттит. КМНС тюсюлгэвэн ноодывкаттит, һааньирит. Илан инэҥив чөптэрэ Кэбэйи буган өйдэлин эвэди төөрэнти, икээлти, өтэрэптукун эникэн омҥар һөлбучэддит эвэн ҥунмирэн һээдьэвэн уулдуканит. Республика өгилэ бэгэсэлбэн, тэгэнук һөллөтти һөлнэдьилбу эвэдич томалдьивур һиргэтникэн бакалдарит. Мэнҥивур илумулавур дьуумачалбу, чэлэвутэн далси дьэблэҥдьур оран улрэдьин, иэнҥэдьин, һакандьин, иргэдьин, умандьин, чалмидьин төйрит, һэбээҥут эрэлчири төҥээрэҥэлбур гиаки олралдьитан төйрит. https://ilken.ru/evenskiy/2026/07/27/kebei-ulusan-kebei-bileke%d2%a5ne-biche-respublikady-olonho-ysyaahan-dugulin-mulgur-2/
Открыть в MAX- Просмотры
- 69
- ER
- —
- Реакции
- —