Пост канала
- фото
📚🔔👩🏻🏫🏬👨🏻🏫Быйылгы үөрэх дьылыгар нэһилиэк оскуолаларыгар саҥа педагог үлэһиттэр кэллилэр. 👩🏻🏫РФ "Земскэй учуутал" бырагырааматынан Соболоох орто оскуолатыгар Биче -Оол Роза Болат-Ооловна, история уонна обществознание учуутала, Тыва сириттэн биэс сылга болдьохтоох үлэлии кэллэ. Кини педагогическай династияны салгыыр учуутал, бэйэтин кытта түөрт оҕотун СОО-гар үөрэттэрэ аҕалла👍. 🏃🏻РФ "Земскэй тириэньэр" бырагырааматыгар оройуон быйыл хапсан, А. В. Карпов аатынан Оҕо спортивнай оскуолатыгар О. И. Садовников хотугу многоборьеҕа эдэр спортсменнары дьарыктыы кэлэр. Кини бэйэбит ыччаппыт, Сааһыыртан төрүттээх. 👩🏻🏫СӨ "Арктика уонна хотугу улуустар тыаларын сирдэригэр баар уопсай үөрэхтээһин тэрилтэлэрин педагогическай үлэһиттэрин олорор дьиэтинэн хааччыйыы»" бырагырааматынан Улахан Чыыстай орто оскуолатыгар алын сүһүөх кылаас учууталынан К. В. Ефимова ананна. 👩🏻🏫Үөрэҕирии үлэһиттэрин өйүүр муниципальнай бырагырааманан Төбүлэх орто оскуолатыгар нуучча тылын учууталын кэтэһэллэр. 📝 СӨ "Олорор дьиэнэн хааччыйыы" бырагырааманан УЧОО-гар математика, информатика учууталыгар уонна муниципальнай өйөбүлүнэн түөрт миэстэ оройуоҥҥа аһаҕас турар. 👩🏻🏫👨🏻🏫Эдэр исписэлиистэр үөрэхтэрин бүтэрэн бэйэлэрин баҕаларынан төрөөбүт оройуоннарыгар үлэлии кэлэллэрэ үөрүүлээх. Ол курдук, Хонуу сэлиэнньэтин "Теремок" уһуйааныгар И. С. Колмакова иитээччинэн, Соболоох орто оскуолатыгар И. Г. Хабаров математика, информатика учууталынан үлэлэрин саҕалаатылар. ✴️🔰Саҥа педагогтарга таһаарыылаах үлэни, тулалыыр эйгэтигэр өйдөһүүнү, өйөбүлү баҕарыахха.🙌🏻 🗣️Сонуну Айталина Крупышева иһитиннэрдэ. @indigir_uottara
Открыть в MAX- Просмотры
- 54
- ER
- 1,9%
- Реакции
- 1