Пост канала
- фото
🍁 20 октябрь көнне Саба үзәк китапханәсендә җылы, ихлас һәм онытылмаслык әдәби-музыкаль кичә узды. Биредә Рәйсә Имамиеваның «Авыллар җырлый» китабын тәкъдир итү чарасы үткәрелде. 📖 🎤 Кичә җыр-моңга, матур чыгышларга һәм күңелләргә үтеп керерлек мизгелләргә бай булды. Сәхнә түрендә «Нәүрүз» һәм «Гөлбакча» ансамбльләре чыгыш ясап, тамашачыларга күтәренке кәеф бүләк иттеләр. 🌷🎵 🎶 Шулай ук моңлы тавышлары белән Мөдәрис Якупов, Зөлфия Зиннурова һәм Роза Хисмәтова кичәне тагын да ямьләндерделәр. 💖 💐 «Мишә дулкыннары» берләшмәсе активистлары һәм Хәниф Тимербаев Рәйсә Имамиевага ихлас котлауларын, җылы теләкләрен җиткерделәр. 🌹 📖 Кичәнең аеруча кызыклы мизгелләренең берсе – Рәйсә Имамиева һәм Фәрит Әбүбәкеровның китапның язылу тарихы белән уртаклашуы булды. 🌺 Кичә ахырында китапханә директоры Ләйсән Рәкыйп кызы китапның язылуы, Рәйсә Билал кызының иҗаты турында җылы сүзләр әйтте һәм әлеге матур чарада катнашкан һәркемгә олы рәхмәтен белдерде. ❤️ 🌟 Җыр белән үрелеп барган, ихлас сүзләргә һәм якты хисләргә бай әдәби-музыкаль кичә һәркемнең күңелендә матур хатирәләр калдырды! 🪗 Авылларыбыз җырласын, моңнарыбыз тынмасын, милли мирасыбыз буыннан-буынга күчеп яшәсен! 🎶❤️
Открыть в MAX- Просмотры
- 544
- ER
- 0,9%
- Реакции
- 5