Пост канала
- фото
Кышка бергәләп әзерләник - бик тәмле рецептлар тәкъдим итәбез Финнарча кыяр Кирәк була: 3 кг. кыяр, 3 л. су, 6 аш кашыгы тоз, 300 гр. шикәр комы, 360 мл. уксус, 2 аш кашыгы гәрчич орлыгы, 3 данә лавр яфрагы. Эш тәртибе: Кыярларны яхшылап юып, 2 сәгать салкын суда тотасы. Аннары баш-башларын кисеп,зур кисәкләргә бүләсе. Зур табакка су һәм барлык ингредиентларны салып, кайнатып чыгарасы һәм уксус өстисе. Кайнап торган шушы маринадка кыярларны салып болгатасы. Кыярлар төсләрен үзгәрткәч, тагын 3 минут кайнатасы. Хәзер инде кыярларны парландырган банкаларга тутырып, өсләренә маринад салып, ябып куясы гына кала! Кабачкидан икра 3 кг. кабачкины иттарткычтан чыгарасы. Шуңа 1 стакан сыек май, 1 аш кашыгы тоз, 0,5 стакан шикәр комы салып 1 сәгать сүрән утта пешерәсе. Аннары 200 гр. майонез, 400 гр. томат пастасы, 10 бүлем сарымсак салып, янә 1 сәгать пешерәбез. Сүндерергә 10 минут кала, 2 аш кашыгы уксус салына. Икраны кайнар көе парландырган банкаларга ябабыз.
Открыть в MAX- Просмотры
- 472
- ER
- 0,6%
- Реакции
- 3