Пост канала
- фото
Евангелие от Матфея. Зачало 99 Рече́ Госпо́дь Свои́м ученико́м, претерпе́вый же до конца́, той спасе́тся. И пропове́стся сие́ Ева́нгелие Ца́рствия, по всей вселе́нней, во свиде́тельство всем язы́ком, и тогда́ прии́дет кончи́на. Егда́ у́бо у́зрите ме́рзость запусте́ния, рече́нную Дании́лом проро́ком, стоя́щу на ме́сте свя́те, и́же чтет да разуме́ет. Тогда́ су́щии во Июде́и, да бежа́т на го́ры, и и́же на́ крове, да не схо́дит взя́ти я́же в дому́ его́. И и́же на селе́, да не возврати́тся вспять взя́ти риз свои́х. Го́ре же непра́здным, и доя́щым в ты́и дни. Моли́тежеся, да не бу́дет бе́жство ва́ше зиме́, ни в субо́ту. Бу́дет бо тогда́ скорбь ве́лия, якова́ же несть была́ от нача́ла ми́ра досе́ле, ниже́ и́мать бы́ти. И а́ще не бы́ша прекрати́лися дни́е о́ны, не бы у́бо спасла́ся вся́ка плоть. За избра́нных же ра́ди, прекратя́тся дни́е о́ны. Тогда́ а́ще кто рече́т вам, се зде Христо́с, или́ о́нде, не ими́те ве́ры. Воста́нут бо лжехри́сти и лжепроро́цы, и дадя́т зна́мения ве́лия и чудеса́, я́коже прельсти́ти а́ще возмо́жно и избра́нныя. Се пре́жде рех вам. А́ще у́бо реку́т вам, се в пусты́ни есть, не изыди́те. Се в сокро́вищих, не ими́те ве́ры. Я́коже бо мо́лния исхо́дит от восто́к, и явля́ется до за́пад, та́ко бу́дет и прише́ствие Сы́на Челове́ческаго. Иде́же бо а́ще бу́дет труп, та́мо соберу́тся орли́.
Открыть в MAX- Просмотры
- 214
- ER
- 11,7%
- Реакции
- 25