Пост канала
- фото
Евангелие от Иоанна. Зачало 42 (отполу). Рече́ Госпо́дь: О́тче просла́ви и́мя Твое́. Прии́де же глас с небесе́, и просла́вих, и па́ки просла́влю. Наро́д же стоя́й слы́шах, глаго́лаху, гром бысть. Ини́и глаго́лаху, А́нгел глаго́ла Ему́. Отвеща́ Ису́с и рече́, не Мене́ ра́ди глас сей бысть, но наро́да ра́ди. Ны́не суд есть ми́ру сему́, ны́не князь ми́ра сего́, изгна́н бу́дет вон. И а́ще Аз вознесе́н бу́ду от земли́, вся привлеку́ к Себе́. Се́ же глаго́лаше, назна́менуя ко́ею сме́ртию хотя́ше умре́ти. Отвеща́ Ему́ наро́д, мы слы́шахом от зако́на, я́ко Христо́с пребыва́ет во ве́ки. Ка́ко Ты глаго́леши, вознести́ся подоба́ет Сы́ну Челове́ческому, Кто есть Сей Сын Челове́ческий; Рече́ же им Ису́с, еще́ ма́ло вре́мя свет в вас есть, ходи́те до́ндеже свет и́мате, да тма вас не и́мет. И ходя́й во тме, не весть ка́мо и́дет. До́ндеже свет и́мате, ве́руйте во свет, да сы́нове све́та бу́дете.
Открыть в MAX- Просмотры
- 212
- ER
- 9,0%
- Реакции
- 19