Пост канала
- фото
Евангелие от Матфеа. Зачало 105. Рече́ Госпо́дь при́тчу сию́, челове́к не́кий отходя́, призва́ своя́ рабы́, и преда́ст им име́ние свое́. И о́вому у́бо даст пять тала́нт, о́вому же два, о́вому же еди́н, кому́ждо проти́ву си́ле его́, и оты́де а́бие. Шед же прие́мый пять тала́нт, де́ла в них, и сотвори́ други́я пять тала́нт. Та́кожде и и́же два, приобре́те и той друга́я два. Прие́мый же еди́н, шед вкопа́ его́ в зе́млю, и скры сребро́ господи́на своего́. По мно́зе же вре́мени, прии́де господи́н раб тех, и стяза́ся с ни́ми о словеси́. И присту́пль пять тала́нт прие́мый, принесе́ други́я пять тала́нт, глаго́ля, го́споди, пять тала́нт ми еси́ пре́дал, се други́я пять тала́нт приобрето́х и́ми. Рече́ же ему́ госпо́дь его́, до́брый ра́бе благи́й и ве́рный, о ма́ле был ве́рен над мно́гими тя поста́влю, вни́ди в ра́дость го́спода своего́. Присту́пль же и и́же два тала́нта прие́мый, рече́, го́споди, два тала́нта ми еси́ пре́дал, се друга́я два тала́нта приобрето́х и́ма. Рече́ же ему́ госпо́дь его́, до́брый ра́бе благи́й и ве́рный, о ма́ле ми был ве́рен, над мно́гими тя поста́влю, вни́ди в ра́дость го́спода своего́. Присту́пль же и прие́мый еди́н тала́нт, рече́, го́споди, ве́дях тя я́ко же́сток еси́ челове́к, жне́ши, иде́же не се́ял еси́, и собира́еши ю́дуже не расточи́л еси́, и убоя́вся, шед скрых тала́нт твой в земли́, и се и́маши твое́. Отвеща́в же госпо́дь его́, рече́ ему́, лука́вый ра́бе и лени́вый, ве́дяше я́ко жну иде́же не се́ях, и собира́ю ю́дуже не расточи́х. подоба́ше у́бо тебе́ вда́ти сребро́ мое́ торжнико́м, и прише́д аз, взял бых свое́ с ли́хвою; Возми́те у́бо от него́ тала́нт, и дади́те иму́щему де́сять тала́нт. Иму́щему бо везде́ дано́ бу́дет, и преизбу́дет. от неиму́щаго же, и е́же мни́тся име́я, взя́то бу́дет от него́. И неключи́маго раба́, вве́рзите во тму кроме́шную, ту бу́дет плачь и скре́жет зубо́м. Сия́ глаго́ля возгласи́, име́яй у́ши слы́шати да слы́шит.
Открыть в MAX- Просмотры
- 234
- ER
- 7,3%
- Реакции
- 17