Пост канала
- фото
Евангелие от Матфеа. Зачало 92 Во вре́мя о́но, зако́нник не́кий приступи́ ко Ису́су, искуша́я Его́ и глаго́ля, Учи́телю, ка́я за́поведь бо́льши есть в зако́не; Ису́с же рече́ ему́, возлю́биши Го́спода Бо́га твоего́ всем се́рдцем твои́м, и всю душе́ю твое́ю, и все́ю мы́слию твое́ю. Си есть пе́рвая и бо́льшая за́поведь. Втора́я же подо́бна ей, возлю́биши и́скреняго своего́ я́ко сам себе́. В сию́ обою́ за́поведию весь зако́н и проро́цы ви́сят. Со́браном же фарисе́ом, вопроси́ их Ису́с, глаго́ля, что ся вам мнит о Христе́? Чий есть Сын; Глаго́лаша Ему́, Давы́дов. Глаго́ла им, ка́ко у́бо Давы́д Ду́хом Го́спода Его́ нарица́ет, глаго́ля, рече́ Госпо́дь Го́сподеви моему́, седи́ одесну́ю Мене́, до́ндеже положу́ враги́ Твоя́ подно́жие нога́ма Твои́ма. А́ще у́бо Давы́д нарица́ет Его́ Го́спода, ка́ко сын ему́ есть; И никто́же можа́ше отвеща́ти Ему́ словесе́, ниже́ сме́я кто от того́ дне вопроси́ти Его́ ктому́.
Открыть в MAX- Просмотры
- 211
- ER
- 10,9%
- Реакции
- 23