Пост канала
- фото
Киинэ күнүгэр "Театр Боотура" киинэни көрдүбүт 2026 сыл - республикаҕа Культура сылынан биллэриллэн культура тэрилтэлэрэ араас тэрээһиннэри ыыталлар. "Саха народнай суруйааччыта П.Н.Харитонов" аатынан улуустааҕы бибилэтиэкэ атырдьах ыйын 27 күнүгэр Россия киинэтин, кинематографиятын күнүгэр аналлаах "От фильма к книге - от книги к фильму" диэн кинигэ быыстапкатын оҥордо уонна бу күҥҥэ сөп түбэһиннэрэн Саха өрөспүүбүлэкэтин үс "Золотая маска" бириэмийэлээх Государственнай опера уонна балет театрын туһунан "Театр Боотура" диэн документальнай киинэни нэһилиэнньэҕэ көрдөрдө. Киинэ улуустааҕы кииннэммит бибилэтиэкэ директора, Адамова И.И.эҕэрдэ тылынан саҕаланна. Киинэ саха омук үгэһин,олоҕун-дьаһаҕын көрдөрөр кадрдартан саҕаламмыта киһини сэҥээрдэр. Театр олоҥхонон өбүгэлэрбит олохторун үрдүк искусствонан көрөөччүгэ тиэрдибитэ улахан ситиһии. Аатырбыт "Ньургун Боотур" олоҥхону туруоруу сүҥкэн үлэттэн тахсыбытын сыана кэтэҕинээҕи театр биир киһи курдук үлэлээбиттэрэ туоһулуур. Биһиги киэн туттар баритон куоластаах народнай артыыспыт Александр Емельяновпыт, Россия уонна Саха сирин үтүөлээх артыыската, театр сүрүн балетмейстера Екатерина Тайшина Ньургун Боотур" олоҥхону туруоруу сүҥкэн үлэттэн тахсыбытын, 3 төгүл "Кыһыл көмүс" маасканы ылбыттарын киинэ нөҥүө итэҕэтиилээхтик кэпсээтилэр. Ааҕааччылар, ыалдьыттар кэлэн саха искусствота сайдыытын кэрэһэлиир киинэни астына көрдүлэр. Валентина Колесова, библиотека үлэһитэ. Хаартыскалары ааптар тиксэрдэ. @gazetahangalas Газета «Хангалас» в МАХ: https://max.ru/join/EMcGjeReldjRsN-wEC3qjk3EM5JlIYb-KMZvwzUmnRM ВКонтакте: https://vk.com/gazetahangalas
Открыть в MAX- Просмотры
- 309
- ER
- 1,0%
- Реакции
- 3