Пост канала
- фото
✅Саха сиригэр бүгүҥҥү күҥҥэ уһун үйэлээх, сүүс сааһын туолбут 20 киһи олорор. 2026 сыл тоҕус ыйыгар 9 киһитэ үйэ сааһын бэлиэтээтэ, олор истэригэр Аҕа дойду Улуу сэриитин кыттыылаахтара Валерий Михайлович Спиридонов уонна Кирилл Егорович Павлов бааллар. Саха сиригэр аҕам саастаах дьону өйүүр үлэ Арассыыйа Бэрэсидьиэнэ Владимир Путин көҕүлээбит «Дьиэ кэргэн» уонна «Уһун уонна көхтөөх олох» национальнай бырайыактарын, «Биир ньыгыл Арассыыйа» баартыйа «Аҕа саастаах көлүөнэ» бырайыагын уонна Саха сирин Баһылыга Айсен Николаев «Саха Өрөспүүбүлүкэтин уопсастыбаннай доруобуйатын бөҕөргөтүү стратегическай хайысхаларын уонна доруобуйа харыстабылын систиэмэтин сайыннарыы туһунан» Ыйааҕын чэрчитинэн ыытыллар. Муус устарга Дьокуускайга өрөспүүбүлүкэ хас да көлүөнэ педагогтарын салайбыт уонна настаабынньыктаабыт Роза Петровна Попова 100 сааһыгар аналлаах үөрүүлээх тэрээһин буолан ааспыта. «Биһиги уопсастыбабыт уонна өрөспүүбүлүкэбит, биһиги, аҕам саастаах дьон туһунан саныырын, көмөлөһөрүн иһин махтанабын. Биһиги билигин нус-бааччы, үөрэ-көтө олоробут. Сахабыт сирэ чэлгийэ сайдарын, баай-талым буоларын, оттон дьоно-сэргэтэ үлэһит, дьоллоох буоларыгар баҕарабын», — диэн 100 саастаах, 5 сиэннээх уонна 4 хос сиэннээх Роза Петровна эттэ. https://sakha-sire.ru/saha-siriger-100-saastaryn-aaspyt-20-uhun-yjeleeh-kihi-oloror/
Открыть в MAX- Просмотры
- 265
- ER
- 1,5%
- Реакции
- 4