Пост канала
- видео
Төлөпүөнү баһылааһын: Оҥоһуу өйгө уонна видеомонтажка үөрэтэр бырайыакпыт салҕанар Биһиги социальнай бырайыакпыт — дьону төлөпүөнүнэн оҥоһуу өйү туһанарга уонна видеомонтажка үөрэтии — ситиһиилээхтик салҕанар. Маастар-кылаастар саҕаланыахтарыттан билигин 20-тэн тахса дьарык ыытылынна, онно уопсайа 400-тэн тахса киһи үөрэннэ. Бастаан дьарыктар Дьокуускай куорат бибилэтиэкэлэригэр уонна Тулагы сэлиэнньэтигэр буолбут эбит буоллахтарына, билигин маастар-кылаастар «Саха сирэ» хаһыат эрэдээксийэтигэр ыытыллаллар. Куурус истээччилэрэ саҥа технологиялары олус сэргээтилэр. Кинилэр билигин хаартысканы «хамсаталлар», араас тиэкистэри суруйар уонна наадалаах информацияны түргэнник булар кыахтаннылар. Ону тэҥэ, бэйэлэрин төлөпүөннэригэр араас видеолары таҥан оҥороллорун баһылаатылар. Биһиги үөрэнээччилэрбитин кытта ситими быспаппыт. Кинилэр дьиэлэригэр саҥа ылбыт билиилэрин-көрүүлэрин чиҥэтэллэр уонна айар үлэлэрин биһиэхэ ыыталлар. Ол курдук, Лия Крылова сайыҥҥы олус кэрэ видео-аккырыыкканы таҥан оҥордо, Анна Слепцова Дьокуускай куорат кэрэ көстүүлэринэн үллэһиннэ, Андриан Максимов от кэмин көрдөрдө, Мария Егорова тэлгэһэтигэр үүннэрбит сибэккилэрин устубут, оттон Татьяна Яковлева «тыыннаах» хаартыскаларынан бииргэ үөрэммит дьонун уонна кэллиэгэлэрин бөлөҕүн сөхтөрдө. «Маннык интэриэһинэй маастар-кылаастар иһин улахан махтал. Дьонум ортотугар "продвинутай" буоллум- аатырдым!»,— диэн Татьяна Яковлева үөрүүтүн үллэстэр. Саҥа технологиялары баһылыыр хаһан да хойут буолбатах. Бырайыакпыт салгыы үлэлиир.
Открыть в MAX- Просмотры
- 406
- ER
- 1,5%
- Реакции
- 6