Пост канала
Молитва святого Иоанна Златоуста 1. Господи, не лиши́ менé небéсных Твои́х благ. 2. Господи, избáви мя вéчных мук. 3. Господи, умóм ли или́ помышлéнием, слóвом или дéлом согреши́х, прости́ мя. 4. Господи, избáви мя вся́каго невéдения и забвéния, и малоду́шия, и окаменéннаго нечу́вствия. 5. Господи, избáви мя от вся́каго искушéния. 6. Господи, просвети́ моé сéрдце, éже помрачи́ лукáвое похотéние. 7. Господи, аз я́ко человéк согреши́х, Ты же, я́ко Бог Щедр, поми́луй мя, ви́дя нéмощь души́ моея́. 8. Господи, посли́ благодáть Твою́ в пóмощь мне, да прослáвлю и́мя Твоé святóе. 9. Господи Иису́се Христé, напиши́ мя рабá Твоегó в кни́зе живóтней и дáруй ми конéц благи́й. 10. Господи Бóже мой, áще и ничтóже благо сотвори́х пред Тобóю, но даждь ми по благодáти Твоéй положи́ти начáло блáгое. 11. Господи, окропи́ в сéрдце моéм росу́ благодáти Твоея́. 12. Господи небесé и земли́, помяни́ мя грéшнаго рабá Твоегó, сту́днаго и нечи́стаго, во Цáрствии Твоéм. Ами́нь. 13. Господи, в покая́нии приими́ мя. Господи, не остави мене. Господи, не введи мене во искушение. Господи, даждь ми мысль благу. Господи, даждь ми слезы, и память смертную, и умиление. Господи, даждь ми помысл исповедания грехов моих. Господи, даждь ми смирение, целомудрие и послушание. Господи, даждь ми терпение, великодушие и кротость. Господи, всели в мя корень благих, страх Твой в сердце мое. Господи, сподоби мя любити Тя от всея души моея и помышления, и творити во всем волю Твою. Господи, покрый мя от человек некоторых, и бесов, и страстей, и от всякия иныя неподобныя вещи. Господи, веси, яко твориши, якоже Ты волиши, да будет воля Твоя и во мне грешнем, яко Благословен еси во веки. Аминь.
Открыть в MAX- Просмотры
- 134
- ER
- 22,4%
- Реакции
- 30