Пост канала
- фото
Бүгүн Сэбиэскэй Сойуус Дьоруойа Ф.М. Охлопков кэриэһигэр анаммыт Аармыйа чопчу ытыыга IV-с аан дойдутааҕы турнирыгар Чурапчыттан биир дойдулаах уолаттарбыт бырааттыы Сергей уонна Василий Яковлевтар 2300 миэтэрэҕэ пааранан ытыыга чопчу сыалы табан, рекорд олохтоотулар! Кыраҕы харахтаах, кытаанах илиилээх уолаттарбытын бу муҥутуур чыпчаал ситиһиилэринэн Чурапчы улууһун салалтатын, олохтоохторун уонна тус бэйэм ааппыттан истиҥник эҕэрдэлиибин! Ааспыт сылларга уһулуччу маастарыстыбаларын көрдөрөн кыайыы өрөгөйүн билбит ытааччы Василий Яковлев уонна корректировщик Сергей Яковлев айылҕа күүстээх тыалыттан иҥнибэккэ ситиспит чаҕылхай кыайыыларынан-хотууларынан киэн туттабыт. Санатан эттэххэ, убайдыы-бырааттыы Яковлевтар 2024 сыллаахха, -36 кыраадыс тымныыны аахсыбакка, бастакы турнир бастакы чөмпүйүөннэрин үрдүк аатын сүкпүттэрэ. Биир дойдулаахтарбытын Василий уонна Сергей Яковлевтары бу саҥа рекордунан эҕэрдэлээн туран, өссө да маннык дьоһун кыайыылар кэлэ, чыпчаал көрдөрүүлэр олохтоно туралларыгар баҕарабыт!
Открыть в MAX- Просмотры
- 139
- ER
- 5,0%
- Реакции
- 7