Пост канала
- фото
Чурапчы нэһилиэгин Тыыл үлэһиттэрин сквериттэн улуус ыччаттарын идэлээх сойуустарын хамсааһынын бэлисипиэтинэн айаннарын акцията саҕаланна. Велопробегы Чурапчы улууһун тэрилтэлэрин идэлээх сойуустарын сүрүннүүр Сэбиэтэ, эдэр ыччат идэлээх сойуустарын хамсааһына тэрийэннэр, бу айаны Арассыыйа Тутулуга суох идэлээх сойуустара тэриллибит күнүгэр, Саха сиригэр идэлээх сойуустар хамсааһыннара тэриллибитэ 105 сылыгар, Арассыыйаҕа Норуоттар сомоҕолоһууларын итиэннэ Саха сиригэр Култуура сылларыгар анаатылар. Бэлисипиэтинэн айан сүрүн ис хоһооно ыччаты дойдуга бэриниилээх буолуу, чөл, чэгиэн туруктаах олоҕу өрө тутуу, дойдубутугар уонна өрөспүүбүлүкэҕэ олорор норуоттар историяларын, култуураларын ытыктааһын тыыныгар иитии буолар. Чурапчы улууһун үрдүнэн ыытыллар Хоту көһөрүллүүнү кэриэстиир күнүнэн сибээстээн, бэлисипиэтинэн айан кыттыылаахтара Аҕа дойду Улуу сэриитин сылларыгар улуус нэһилиэктэриттэн күүс өттүнэн көһөрүллүбүт 41 колхуос пааматынньыктарыгар сүгүрүйэн, эрэйи-муҥу көрбүт биир дойдулаахтарын сырдык ааттарын ахтан-санаан аастылар.
Открыть в MAX- Просмотры
- 164
- ER
- —
- Реакции
- —