Пост канала
- фото
Бүгүн, балаҕан ыйын 19 күнүгэр, Аҕа дойду Улуу сэриитин сылларыгар күүс өттүнэн өрөспүүбүлүкэ хоту оройуоннарыгар Чурапчы оройуонуттан 41 холкуоһу күүс өттүнэн көһөрүү 84 сылыгар аналлаах кутурҕан миитинигэр тапталлаах дойдуларыгар эргиллэн кэлбэтэх биир дойдулаахтарбытын ахтан-санаан, кэриэстээтибит. Историябыт уустук уонна ыарахан кэмигэр үлэлээн ааспыт норуоппут ньургун уола биллиилээх судаарыстыбаннай диэйэтэл, быйыл төрөөбүтэ 130 сылын туолбут Илья Егорович Винокуров Эдьигээн, Булуҥ, Кэбээйи оройуоннарыгар көһөрүллүбүт дьоммут эргиллэн кэлэллэригэр оҥорбут сүдү үтүөтүн махталыгар Чурапчы улууһун биир историческай томторугар Илья Егорович Винокуровка анаммыт мемориальнай дуосканы арыйдыбыт. Бу бэлиэ түгэҥҥэ улуус депутааттарын Сэбиэтин бэрэссэдээтэлэ Яков Оконешников, Нам улууһун баһылыга Юрий Слепцов, Ленскэй нэһилиэгин баһылыга Петр Сокольников, Хоту көһөрүллүү кыттыылаахтарын ааттарыттан ССРС култууратын үтүөлээх үлэһитэ Василий Николаевич Дьячковскай, улуус тэрилтэлэрин профсоюзтарын сүрүннүүр Сэбиэтин аатыттан Д.П. Коркин аатынан Чурапчытааҕы республиканскай спортивнай орто оскуола-интернат нуучча тылыгар учуутала Антон Фомин уо.д.а. буолан, бар дьоммут аатыттан Илья Егорович Винокуровка үйэлээх үтүөтүн иһин барҕа махтал тылларын эттибит. Миитин кыттыылаахтарын кытта Чурапчыбыт Кэриэстэбил томторугар көһүү сиэртибэтэ буолбут биир дойдулаахтарбытыгар анаммыт мемориалга сибэкки дьөрбөтүн ууруу сиэригэр-туомугар кытынныбыт. Юрий Потапов-Саргын тылларыгар, Андрей Замятин мелодиятыгар уонна толоруутугар «Туойуоҕуҥ Ылдьааны” диэн Илья Егоровичка анаммыт ырыа кэлбит дьону долгутта. Бу күн Чурапчы улууһун тэрилтэлэрин профсоюзтарын сүрүннүүр Сэбиэтэ, эдэр профсоюз хамсааһына бүгүҥҥү велопробег акция чэрчитинэн улуус нэһилиэктэриттэн барбыт 41 колхоз пааматынньыктарыгар сүгүрүйэн, ахтан-санаан аастылар. Миитин кэннэ "Музейнай уруокка" кыттыыны ыллым. 84 сыл анараа өттүгэр күүс өттүнэн көһөрүү ыар эрэйин-муҥун сүкпүт биир дойдулаахтарбыт сырдык ааттара үйэлэргэ умнуллубат!
Открыть в MAX- Просмотры
- 159
- ER
- 1,9%
- Реакции
- 3