Пост канала
- фото
Дьокуускай куоракка Кыыс оҕо уонна Ийэ күнүн көрсө «Матери-дочери» диэн VI өрөспүүбүлүкэтээҕи үҥкүү күрэһэ үрдүк таһымнаахтык буолан ааста. Тэрээһини СӨ Үлэҕэ уонна социальнай сайдыыга министиэристибэтэ итиэннэ «Арассыыйа ийэлэрэ» уопсастыбаннай хамсааһын Саха сиринээҕи салаата тэрийэн ыыттылар. Бу күрэххэ биһиги улуустан 4 дьиэ кэргэн ситиһиилээхтик кыттыыны ылан, лауреат үрдүк ааты ылары ситистилэр. * Иванова Е.Д. — I ст. лауреат; * Егорова Д.П. — II ст. лауреат; * Лыткина Л.Д. — III ст. лауреат; * Алексеева Н.П. — III ст. лауреат. Улууспут чиэһин көмүскээбит дьиэ кэргэттэргэ «Арассыыйа ийэлэрэ» хамсааһын Уус Алданнааҕы салаатын бэрэссэдээтэлэ Ольга Дмитриевна Алексеева уонна улуустааҕы дьахталлар сэбиэттэрин бэрэссэдээтэлэ Евгения Климентьевна Местникова эҕэрдэлээн туран, сыаналаах бириистэри уонна өйдөбүнньүк бэлэхтэри туттардылар. Бу күрэс саха ыалын төрүт үгэһин, өбүгэбит мындыр толкуйун уонна аныгы көлүөнэ кэрэҕэ тардыһыытын ситимниир. Маннык тэрээһиннэр дьиэ кэргэн истиҥ сыһыанын бөҕөргөтөр, көлүөнэлэр ситимнэрин күүһүрдэр аналлаахтар. Улуус дьаһалтатын пресс-сулууспата.
Открыть в MAX- Просмотры
- 223
- ER
- 2,2%
- Реакции
- 5