Пост канала
- видео
Алтынньы 9 күнүгэр, Аан дойдутааҕы аҕам саастаахтар күннэригэр аналлаах декада чэрчитинэн, Уус Алданнааҕы дьахтар сүбэтин иһинэн өйү-санааны, эти-сиини бииргэ тутан дьарыктыыр «Сайар» куруһуога Бороҕоҥҥо "ӨРКӨН" оҕону эбии үөрэхтээһин киинигэр, Чараҥҥа И.И. Находкин аатынан кулуупка, Майаҕастааҕы "Түмсүү" норуот айымньытын киинигэр бэрт сэргэхтик буолан ааста. Дьахталлар сүбэлэрин салайааччыта Евгения Местникова тэрээһин кыттыылаахтарын эҕэрдэлээтэ, дьарык сыалын-соругун, суолтатын быһаарда. «Сайар» куруһуок салайааччыта Матрена Леонтьева нейрогимнастика, икки илиинэн уруһуй, тыллары булан таайыы уонна этнофитнес дьарыктарын хас биирдии сорудаҕы, хамсаныыны быһааран, көрдөрөн, аҕам саастаах дьоммутун кэтээн көрөн ыытта. Кырдьаҕастар дьарыкка олус көхтөөхтүк, холкутук уонна сэргэхтик кытыннылар, ыйытыылары биэрдилэр, саҥаны билиигэ дьулуһууларын көрдөрдүлэр. Убаастыыр, өрүү өйүүр, көмө буолар дьоммут өйдөрө-санаалара чэбдигирэригэр, хамсанан туруктара тупсарыгар анаан ыыппыт тэрээһиммит дьоммут санааларын көтөхтө, астынан үгүс махтал тылларын, санааларын эттилэр: «Маннык дьарыктар кырдьаҕас дьоҥҥо олус наадалар,өйбут-санаабыт сэргэхсийэр, элбэҕи, саҥаны билэбит, эппит-сииммит чэбдигирэр, көхтөөх буолабыт». Кинилэр астыналлара, сэҥээрэллэрэ - биһиэхэ олус улахан үөрүү уонна дуоһуйуу буолар. Маннык дьарыктар өйү-санааны эрчийэллэр эрэ буолбакка, аҕам саастаах дьоммут бэйэ-бэйэлэрин кытта көрсөн, кэпсэтэн, бииргэ алтыһан, олохторо саҥа дьүһүнүнэн киэркэйэрин, күүс-уох ылалларын хааччыйаллар. Ону таһынан доруобуйаҕа олус туһалаахтар. Уус Алданнааҕы дьахтар сүбэтин иһинэн «Сайар» куруһуок инникитин эмиэ маннык сэргэх дьарыктары тэрийэн нэдиэлэҕэ биирдэ ыытарыгар, аҕам саастаах дьоммут өйдөрүн-санааларын, эттэрин-сииннэрин чэбдигирдэр аналлаах үлэтин салгыыра буоллар диэн баҕа санааларын эппиттэрин биһиги өйүүбүт. ✍Улуустааҕы дьахтар сүбэтин бэрэссэдээтэлэ Евгения Местникова, сүбэ чилиэннэрэ «Сайар» куруһуок салайааччыта Матрена Леонтьева, Евдокия Окоемова.
Открыть в MAX- Просмотры
- 204
- ER
- 1,5%
- Реакции
- 3