Пост канала
- фото
«Безопасный гараж» операция 2-с түһүмэҕэ саҕаланна. Саха Өрөспүүбүлүкэтин баһаары утары судаарыстыбаннай сулууспатын начаалынньыга Босиков Руслан Захарович балаҕан ыйын 29 күнүнээҕи 3228 №-дээх бирикээһинэн, алтынньы 5 күнүттэн сэтинньи 5 күнүгэр диэри «Безопасный гараж» диэн сэрэтэр операция иккис түһүмэҕэ саҕаланна. Сыл саҕаланыаҕыттан балаҕан ыйын 27 күнүгэр диэри өрөспүүбүлүкэ үрдүнэн 468 баһаар бэлиэтэммит (былырыын — 469). Хомойуох иһин, 9 киһи, ол иһигэр 1 оҕо, уокка былдьаммыт (былырыын — 21 киһи, ол иһигэр 3 оҕо). Уоттан эмсэҕэлээбит чааһынай бас билиигэ 248 түбэлтэ: 71 чааһынай дьиэҕэ, 44 уопсай дьиэҕэ, 133 гаражка, 60 дьиэ таһыгар баар баанньыкка уонна атын тутууларга бэлиэтэнэр. Биһиги улууспутугар быйылгы сылга 23 баһаар тахсыбыт (былырыын баччаҕа — 22). Ол курдук: 5 чааһынай дьиэҕэ, 5 гаражка, 3 уопсай дьиэҕэ, 8 атын тутууларга, 2 сэтиэнэх умайыыта. Бу быһылааннарга 7 киһи быыһаммыт. Гаражка бобуллар: Аһаҕас уоту туттуу, табахтааһын, 20 лиитирэттэн элбэх бензинээх, 5 лиитирэттэн үөһэ моторнай арыылаах иһиттэри харайыы, арыы-сыа буолбут тирээпкэлэри, бөҕү-сыыһы, туттуллубат малы-салы мунньуу, гаас баллонын харайыы, плафона суох электрическай лаампаны туттуу, ирдэбилгэ эппиэттээбэт бэйэ оҥоһуу оһоҕу туруоруу. Гаражка булгуччу баар буолуохтаах: Порошковай эбэтэр углекислотнай огнетушитель, иһигэр кумахтаах дьааһык, исправнай электропроводка, мэһэйэ суох тахсар аан, анал сертификаттаах оттуллар оһох. Улууспут олохтоохторо! Дьон олорор чааһынай, уопсай дьиэлэригэр уонна гаражтарга баһаардар тахсыбаттарын туһугар уоту-күөһү сэрэхтээхтик туттаргытыгар, уот ситимин кэмиттэн-кэмигэр көрүнэ сылдьаргытыгар, оттуллар оһох ирдэбилгэ эппиэттиирин туһугар сөптөөх оһоҕу туруоран, кэмиттэн кэмигэр ыраастыы сылдьаргытыгар сүбэлиибит. Баһаар буолар түгэнигэр стационарнай телефонтан 01, суотабайтан 101 эрийэн биллэрэҕит! Улуустааҕы 34 №-дээх баһаарынай сулууспа.
Открыть в MAX- Просмотры
- 173
- ER
- 1,7%
- Реакции
- 3