Пост канала
- фото
Бүгүн В.В. Никифоров - Күлүмнүүр аатынан «Тойон Мүрү» култуура дыбарыаһыгар үөрэх эйгэтин үлэһиттэрин идэлээх бырааһынньыктарыгар аналлаах үөрүүлээх тэрээһин буолан ааста. Улууспут бары нэһилиэктэриттэн үөрэх-билии аартыгар уһуйар, иитэр-үөрэтэр учууталлар тоҕуоруһа муһуннулар. Тэрээһин үөрүүлээх чааһыгар улуус баһылыгын бастакы солбуйааччы Семен Бурнашев, улуус депутаттарын Сэбиэтин бэрэссэдээтэлэ Иннокентий Аммосов, үөрэх управлениетын начаалынньыгын солбуйааччылара Иван Никонов, Михаил Пухов уо.д.а. кыттыыны ылан, учууталларга истиҥ эҕэрдэ тылларын, махталларын тиэртилэр. Бу үөрүлээх тэрээһиҥҥэ улууспут салайааччылара аан бастаан ааҕарга-суруйарга үөрэппит маҥнайгы учууталларыгар эҕэрдэлэрин, махталларын тиэрдэн туран, тыыннаах сибэкки дьөрбөтүн туттарбыттара соһуччу, истиҥ түгэн буолан, учууталларын даҕаны, көрөөччүлэри даҕаны долгутта. Салгыы улуус үөрэҕириитин сайдыытыгар дьоһун кылааттарын киллэрбит учууталлары, үөрэнээччилэри араас таһымнаах олимпиадаларга, научнай-чинчийэр кэмпириэнсийэлэргэ ситиһиилээхтик кытыннарбыт салайааччылары наҕараадалаатылар уонна учууталлар династияларын чиэстээтилэр. Улуус дьаһалтатын пресс-сулууспата.
Открыть в MAX- Просмотры
- 202
- ER
- 3,5%
- Реакции
- 7