Пост канала
- фото
«Ростелеком» хампаанньа Инвест бырагырааматын чэрчитинэн, Уус Алдан улууһун Бэйдиҥэ бөһүөлэгэр түргэн тэтимнээх интернет киирдэ. Өлтөх нэһилиэгин дьаһалтата, нэһилиэнньэни кытта сүбэлэһэн, 20 остуолбаны субуотунньугунан бэлэмнээбиттэрэ. Уопсайа 5,5 килэмиэтир усталаах ситим тардыллан бүттэ. Бу күннэргэ ситим үлэтэ бэрэбиэркэлэнэн, кэлэр нэдиэлэттэн ыаллары түргэн интэриниэккэ холбооһун саҕаланыаҕа. Суотту нэһилиэгин Оҕуруоттаах уонна Хоноҕор бөһүөлэктэригэр эмиэ бу бырагырааманан 13,5 км кабель тардыллан, билиҥҥи туругунан 63 ыалга оптоволокно ситимэ киирдэ. Нэһилиэк дьаһалтата «Бэйэ көҕүлээһинин өйүүр бырагырааманан» 200 остуолбаны ылан бэлэмнээбиттэрэ. Инникитин бу бөһүөлэктэри 100 бырыһыан интэриниэт ситимигэр холбуур сорук турар. Түгэнинэн туһанан, «Ростелеком» Уус Алданнааҕы филиалын салайааччыта Иван Прибылых нэһилиэктэр дьаһалталарын кэлэктииптэригэр, баһылыктарга Константин Алексеевка уонна Василий Баишевка бииргэ үлэлээһиннэрин, сайдыыга кылааттарын иһин махталын биллэрэр. Улуус дьаһалтатын пресс-сулууспата. 📸 Өлтөх нэһилиэгин дьаһалтата.
Открыть в MAX- Просмотры
- 207
- ER
- 1,0%
- Реакции
- 2