Пост канала
- фото
Убаастабыллаах учууталлар, педагогическай үлэ бэтэрээннэрэ! Үүнэр көлүөнэни иитиигэ-үөрэтиигэ олохторун анаабыт ытык дьоммутун, идэлээх бырааһынньыккытынан - Учуутал күнүнэн - Уус Алдан улууһун дьаһалтатын, улуус мунньаҕын депутаттарын Сэбиэтин уонна тус бэйэм ааппыттан ис сүрэхтэн итиитик-истиҥник эҕэрдэлиибин! Бүгүн биһиги улууспут үөрэҕириитин систиэмэтигэр 1000-тан тахса педагог оҕоҕо билиини бэлэхтиир. Кэрэҕэ, билиигэ уһуйар үтүө дьыалаҕыт, улууспут кэскилин түстүүр. Эһиги сыралаах үлэҕитинэн кэнчээри ыччат сайдар, саҥа саҕахтары арыйар. Кыра кылаастан саҕалаан, олох киэҥ аартыгар үктэнэрбитигэр диэри эһиги биһиэхэ муударай сүбэһит, эрэллээх доҕор, холобур буолаҕыт. Үлэҕит-хамнаскыт өрүү үрдүктүк сыаналаннын, үөрэнээччилэргит ситиһиилэрэ, махталлара эһигини үрдүккэ кынаттаатын, саҥаттан саҥа кыайыыларга сирдээтин! Куруутун чэгиэн-чэбдик, дьоллоох-саргылаах буолуҥ. Эҕэрдэни кытта, Уус Алдан улууһун баһылыга Василий Алексеев.
Открыть в MAX- Просмотры
- 520
- ER
- 1,0%
- Реакции
- 5