Пост канала
- фото
Оҕо иитиитигэр 36-с сылын үтүө суобастаахтык үлэлии сылдьар СӨ үөрэҕириитин систиэмэтин туйгуна, "Мүрээчэнэ" оҕо уһуйаанын үлэһитэ, "Уһуктуу" литературнай, Мүрү нэһилиэгин "Ийэ тыл ситимэ" түмсүүлэр чилиэнэ, Уус Алдан улууһун профсойууһун хамсааһынын настаабынньыга, айар куттаах Ольга Татаринова - Чуораайытта бүгүн иитээччилэр идэлээх бырааһынньыктарын күнүгэр анаан, суруйан таһаарбыт хоһоонун, оҕо уһуйаанын бары үлэһиттэригэр аныыр! Идэлээх күммүтүнэн эҕэрдэ❤️ Сайыннын сахабыт тыла❤️ 🌈Уһуйаан уйата🌈 Эйэҕэс эйгэлээх, Элэккэй сыһыаннаах, Үтүөҕэ үөрэтэр, Үрдүккэ угуйар Уһуйаан уйата. Сахабыт тылынан Сайдыыны уһансар, Төрөөбүт төлкөбүт Түөрэҕин бэлэхтиир Уһуйаан уйата. Чуораанныы чугдаарар, Долгуннуу субуллар, Кырачаан кыымнарбыт Иитиллэр сирдэрэ Уһуйаан уйата. Ольга Татаринова - Чуораайытта 27.09.26
Открыть в MAX- Просмотры
- 432
- ER
- 1,2%
- Реакции
- 5