Пост канала
- фото
Убаастабыллаах иитээччилэр уонна оскуолаҕа киириэн иннинээҕи үөрэхтээһин салаатын бары үлэһиттэрэ, бэтэрээннэрэ! Эһигини идэлээх бырааһынньыккытынан улуус дьаһалтатын, улуус депутааттарын Сэбиэтин ааттарыттан идэлээх бырааһынньыккытынан итиитик-истиҥник эҕэрдэлиибит! Улууспутугар кырачааннары сайыннарыыга 36 үөрэх тэрилтэтэ, ол иһигэр 28 уһуйаан, 8 оскуола иһинэн бөлөхтөр үлэлээн олороллор. Эһиги сыралаах үлэҕит түмүгэр 1180 оҕо күн аайы саҥаны билэр-көрөр, сайдар кыахтанар. Уопсайа 72 бөлөх арыллан үлэлиириттэн, 51 уопсай сайыннарыыга, 21 комбинированнай хайысхаҕа ананаллар. Кырачааннарбытын 1,5 саастарыттан хабан, кинилэргэ сөптөөх усулуобуйаны тэрийиигэ «Үөрэхтээһин» национальнай бырайыак чэрчитинэн үлэ ыытыллар. Майаҕастааҕы 14-с нүөмэрдээх «Чуораанчык» оҕо уһуйаана «Поддержка семьи» федеральнай уонна «Семья» национальнай бырайыактарынан капитальнай өрөмүөн үлэтэ түмүктэнэн, сотору кэминэн өссө тупсан, сырдаан, кырачааннары көрсүөхтэрэ. Бу курдук оҕо сайдарыгар, үөрэнэригэр бары усулуобуйаны тэрийиигэ улуус дьаһалтата салгыы үлэлэри ыытар. Оҕоҕо билиини-көрүүнү бэлэхтиир, кэрэҕэ-үтүөҕэ угуйар үлэҕитин сыаналыыбыт, махтанабыт. Эһиэхэ чэгиэн доруобуйаны, үрдүктэн үрдүк ситиһиилэри, айымньылаах үлэни, дьоллоох олоҕу баҕарабыт! Уус Алдан улууһун баһылыга Василий Алексеев.
Открыть в MAX- Просмотры
- 462
- ER
- —
- Реакции
- —