Пост канала
- фото
Балаҕан ыйын 24-27 күннэригэр Дьокуускай куоракка 28-с төгүлүн «Ас-үөл дьаарбаҥката» ыытыллар. Тэрээһиҥҥэ өрөспүүбүлүкэ 15 улууһуттан сүүстэн тахса тыа хаһаайыстыбатын бородууксуйатын оҥорон таһаарааччы кыттар. Тэрээһин чэрчитинэн «Сила села» диэн олохтоох оҥорон таһаарааччылар уонна бөдөҥ сакаасчыттар кыттыылаах форум буолла. Форум иһинэн «Якутский хлебокомбинат» акционернай уопсастыба Баатаҕай нэһилиэгин «Биэттэ-Агро» хаһаайыстыбатын кытта оҥорон таһаарар бурдугун тиэрдии туһунан сөбүлэҥҥэ илии баттастылар. Дьаарбаҥкаҕа бастыҥ үлэлээх хаһаайыстыбаларга уонна туруу үлэһит дьоҥҥо наҕараадалары туттардылар. Уус Алдан улууһа «Бастыҥ үүнээйинэн дьарыктанар улуус» анал аат III истиэпэннээх дипломунан наҕараадаланна. Бэрт Ууһун нэһилиэгин «Мэкэри» хаһаайыстыбата «Сылгы иитиитигэр бастыҥ племенной хаһаайыстыба» анал аат хаһаайына буолла. Баатаҕай нэһилиэгин «Биэттэ-Агро» хаһаайыстыбата «Золотой колос» уонна «Бастыҥ семеновод» ааттары ылла. Тэрилтэ агронома, эдэр исписэлиис Василий Сивцев «Бастыҥ агроном» үрдүк ааты сүктэ. Василий Сивцев соторутааҕыта Арассыыйа таһымыгар ыытыллыбыт «Идэтигэр бастыҥ» күрэскэ III миэстэни ылан, бүтүн өрөспүүбүлүкэ, улуус киэн туттуута буолбута. Үлэһит дьоммутугар өссө да үрдүктэн үрдүк ситиһиилэри баҕарабыт! Улуус дьаһалтатын пресс-сулууспата. 📸 СӨ тыатын хаһаайыстыбатын министиэристибэтин пресс-сулууспата.
Открыть в MAX- Просмотры
- 187
- ER
- 3,7%
- Реакции
- 7