Пост канала
- фото
Салгыы V-с Бүтүн Арассыыйатааҕы "Айыы Таҥара (T'angiri" уонна тенгрианствоҕа тимир ууһун кута" конференция кыттыылаахтара Тойон Мүрү туонатыгар Сэһэн Ардьакыап аатынан улуустааҕы историяны, кыраайы үөрэтэр түмэл «Рудный след» диэн бырайыагын чэрчитинэн ыытылла турар тимир уһаарыытын баран көрдүлэр-иһиттилэр. Тимир уустара түмэл үлэһиттэрэ тэрийбит экспедицияларынан Алдан төрдүн Таастаах үрэҕин уонна Тыаттыгы сирдэриттэн аҕалыллыбыт таас руданы уһаардылар. Манна Уус Алдан, Кэбээйи уонна Мэҥэ Хаҥалас улуустарын тимир уустара кэлэн, үс оһоҕунан күүстээх үлэни көрүстүлэр. Бу хас биирдии охсуу, хас биирдии күөрт күүһэ барыта өбүгэ ситимин салгыыр, үйэлэри уҥуордуур үлэ. Уһаарыы ыытылла турар кэмигэр СӨ Норуотун маастара, хомус ууһа Петр Куличкин - Быйаман Уус хомус оҥоһуутугар маастар кылаас ыытта, итиэннэ дьон көрөн турдаҕына оҥорон, айан таһаарбыт хомуһун Казахстантан кэлбит ыалдьыкка, архитектордар Аан дойдутааҕы ассоциацияларын приезиденигэр Серик Рустамбековка бэлэх уунна. Түмүккэ кытаанах таастан өлгөм болгуо тахсыыта уус дьоҥҥо үөрүү өрөгөйө, ону көрөөччүлэр ытыс тыаһынан көрүстүлэр. Уус Алдан тимир уустара 6 киилэ 150 грамм, Мэҥэ Хаҥалас тимир уустара 6 киилэ 585 грамм, Кэбээйи уустара 7 киилэттэн тахса, уопсайа 20 киилэттэн тахса тимир уһаарылынна. Тимир уустара сыралаах үлэлэрин үтүө түмүктээҕиттэн үөрэн-көтөн, махтанан тарҕастылар. Төрүт үгэс салҕанар. Улуус дьаһалтатын пресс-сулууспата.
Открыть в MAX- Просмотры
- 416
- ER
- 0,2%
- Реакции
- 1