Пост канала
- фото
Бүгүн, балаҕан ыйын 26 күнүгэр, Уус Алдан улууһун Сэһэн Ардьакыап аатынан улуус историятын, кыраайы үөрэтэр түмэлигэр V-с Бүтүн Арассыыйатааҕы «Айыы Таҥара (T'angiri)“ уонна тенгрианствоҕа тимир ууһун кута» диэн ааттаах научнай-практическай конференция ыытылынна. Тэрээһиҥҥэ политическай наука кандидата, Аан дойдутааҕы Тенгри чинчийиитин пуондатын дириэктэрэ Лена Валерьевна Федорова, Казахстантан архитектордар Аан дойдутааҕы ассоциацияларын президенэ Серик Исаевич Рустамбеков, тыл билимин доктора, Тываттан Тенгри чинчийиитин аан дойдутааҕы пуондатын правлениятын бэрэссэдээтэлэ Бичелдей Каадыр-оол Алексеевич, тыл билимин доктора, фольклорист Василий Васильевич Илларионов, тыл билимин кандидата, научнай чинчийэр институт старшай научнай сотруднига Светлана Дмитриевна Мухоплева, аан дойдутааҕы архитектура академиятын корреспондена Николай Алексеев, РФ, СӨ норуотун маастара, тимир ууһа Роман Готовцев - Мындыр Уус, Мэҥэ Хаҥаластан Анна Холмогорова, В.В.Алексеев аатынан Мүрүтээҕи уолаттар гимназияларын 10 кылааһын үөрэнээччитэ Юрий Охлопков, Олоҥхо дьиэтэ этнокультурнай киин специалиһа Матрена Герасимова, СӨ норуотун маастара Мария Петрова уо.д.а. ону сэргэ история билимин кандидата, Ил Түмэн бэрэссэдээтэлин бастакы солбуйааччыта Александр Жирков, тыл билимин доктора, Саха сирин духуобунаһын академиятын академига Борис Федорович Неустроев - Мандар Уус, религиоведения билимин доктора, Тываттан Ульяна Бичелдей, философия билимин доктора, профессор, академик Казахстантан Сабина Аязбекова, философия билимин доктора, Алтайтан Ирина Жерносенко, Красноярскай кыраайтан психотерапевт быраас Матвей Алексеев, невролог быраас Елена Алексеева быһа сибээһинэн кыттыыны ыллылар. Маннык хабааннаах учуонайдар, чинчийээччилэр кыттан, конференцияҕа киэҥ кэпсэтии таҕыста. Пленарнай чаас сүрүн дакылаатынан политическай наука кандидата, Аан дойдутааҕы Тенгри чинчийиитин пуондатын дириэктэрэ Лена Валерьевна Федорова оҥорон, Айыы итэҕэлэ уонна тимир ууһун култуурата быстыспат ситимнээхтэрин бэлиэтээтэ. Салгыы Олоҥхо бухатыырдарын уобарастарыгар тимир ууһун суолтата, уус идэтин сиэрэ-туома, төрүт үгэскэ олоҕуран тимири уһаарыы, Тенгрианскай сурук-бичик, руналар философиялара, Тыва, алтай, казах уонна азербайджан омуктарын тимири уһаарыыга былыргы ньымалара, Уус Алдан улууһун тимир уустара уо.д.а. тиэмэлэргэ дакылааттары иһиттилэр. Түмүккэ, кыттааччылар Норуот быһыытынан тыыннаах хааларбытыгар төрүт үгэһи, духуобунай сыаннастары өрө тутуу билиҥҥи кэмҥэ сүҥкэн суолталааҕын бэлиэтээн туран, VI-с конференцияны 2028 сылга ыытарга быһаардылар, Уус Алдан сиригэр тимир рудаларын хостуур сирдэри историческай-археологическай өттүнэн дириҥэтэн чинчийэр үлэни салгыы ыытарга резолюция ылыннылар. Улуус дьаһалтатын пресс-сулууспата.
Открыть в MAX- Просмотры
- 432
- ER
- 0,7%
- Реакции
- 3