Пост канала
- фото
Салгыы үлэлиир бөлөх Г.Г. Никифоров аатынан киин балыыһа коллективын кытта көрсөн, инники былааннары торумнаата. Көрсүһүүгэ икки сүрүн боппуруоһу көтөхтүлэр. Бастатан туран, Бороҕоҥҥо киин балыыһа иккис куорпуһун тутууну олоххо киллэрэргэ кэпсэттилэр. Бу эбийиэги нэһилиэнньэ өр кэмҥэ туруорсар. Галина Иннокентьевна бу бырайыагы бэйэтин тус хонтуруолугар ылан, тутуу докумуоннарын бэрээдэктээһиҥҥэ уонна үбүлээһини тардыыга үлэлэһэ сылдьарын иһитиннэрдэ. Бу саас улуус баһылыга Василий Алексеев Москва куоракка оробуочай сырыытын кэмигэр Галина Иннокентьевнаҕа киирэ сылдьан, кэккэ боппуруостары туруорсубута. Олортон биирдэстэрэ Майаҕаска саҥа ФАП тутуутун боппуруоһа этэ. Бу боппуруос хамсаан, эбийиэги тутуу саҕаланна. Улуус дьаһалтата доруобуйаларыгар хааччахтаах оҕолорго анаан аныгы ирдэбилгэ эппиэттиир үөрэх эйгэтин тэрийиигэ үлэлэһэр. Арыылаах бөһүөлэгэр коррекционнай оскуола тутуутун боппуруоһа турар. Бу эбийиэк эмиэ Галина Иннокентьевна тус хонтуруолугар сылдьар. Түмүккэ, улуус баһылыга билигин ыытылла турар үлэ-хамнас түмүктэнэригэр уонна олоххо киирэригэр эрэнэрин биллэрдэ. Кини Саха Өрөспүүбүлүкэтин салалтатыгар, чуолаан Галина Иннокентьевнаҕа, Александр Николаевичка Уус Алдан улууһун сайдыытыгар бииргэ үлэлэһэллэрин иһин махталын биллэрдэ. Улуус дьаһалтатын пресс-сулууспата. 📸 Анатолий Кириллин, Өлтөх нэһилиэгин дьаһалтата
Открыть в MAX- Просмотры
- 283
- ER
- 1,8%
- Реакции
- 5