Пост канала
- фото
Уус Алдаҥҥа спорт сайдыытыгар улахан хардыылар оҥоһулла тураллар. Дойду Президенэ Владимир Путин ыйааҕынан олоххо киирэр «Демография» национальнай бырайыак чэрчитинэн, «Спорт – норма жизни» федеральнай бырайыак иһинэн «Бизнес-спорт» («Я выбираю спорт») бырайыагынан биһиги улууска икки былаһаакка тутулла турар. Ол курдук Баатаҕай нэһилиэгэр ГТО, I-кы Хоро нэһилиэгэр «Умная спортивная площадка» диэн ааттанар аныгылыы көрүҥнээх, араас спорт көрүҥнэригэр аналлаах былаһааккалар тутуллаллар. Бүгүн улуус баһылыга Василий Алексеев уонна улуустааҕы тутуу уонна архитектура управлениетын начальнига Максим Гуляев I-кы Хоро нэһилиэгэр тутулла турар «Умная спортивная площадка» үлэтин хаамыытын билистилэр. Олохтоохтор субуотунньукка күргүөмүнэн тахсан, площадка тутуллуохтаах сиригэр бетонун кута сылдьаллар. Тутуу балаҕан ыйыгар түмүктэнэрэ былааннанар. Бу саҥа спортивнай былаһаакка үлэҕэ киирдэҕинэ нэһилиэнньэ баскетболунан, волейболунан, мини-футболунан дьарыктаналларыгар сөптөөх усулуобуйа тэриллиэҕэ, итиэннэ эти-хааны чэбдигирдэр тренажердар туруоруллан олохтоохтор чэбдик, чөл олоҕу тутуһалларыгар, доруобуйаларын бөҕөргөтөллөрүгэр бигэ тирэх буолуоҕа. Улуус дьаһалтатын пресс-сулууспата.
Открыть в MAX- Просмотры
- 336
- ER
- —
- Реакции
- —