Пост канала
- фото
Дойду нэһилиэгэр аҕам саастаахтарга, анал байыаннай дьайыы кыттыылаахтарын дьиэ кэргэннэригэр бүгүн муус ыллылар 🫶 Дойду нэһилиэгэр аҕам саастаахтар күннэрин чэрчитинэн кэккэ тэрээһиннэр ыытылыннылар. 🧡 Сахамила Корякина дириэктэрдээх олохтоох култуура киинин тэрийиитинэн нэһилиэк бэтэрээннэригэр анаан сандалы остуол тардылынна. Манна дойдуларын, улуустарын, нэһилиэктэрин сайдыытыгар сыраларын биэрбит ытык саастаах дьон ыҥырыллан кэлэн ирэ-хоро сэһэргэстилэр, оонньууларга кытыннылар, ырыа ыллаан, дуоһуйа сынньанан, тэрийээччилэргэ махтанан тарҕастылар. 🧊 Бүгүн, алтынньы 20 күнүгэр, баһылык Олег Кычкин нэһилиэгин эр дьонун көҕүлээн өрүс хомотугар муус ылыытын тэрийдэ. Ылыллыбыт муус нэһилиэк алта аҕам саастаах ыалларыгар тиэрдилиннэ: сэрии сылын оҕото Светлана Семеновна Кычкинаҕа, бочуоттаах сынньалаҥҥа олорор Варвара Авксентьевна Ноговицынаҕа, Евгения Карловна Варламоваҕа, анал байыаннай дьайыы кыттыылааҕын дьиэ кэргэнигэр Мария Александровна Никитинаҕа уонна Матрена Андреевна, доруобуйатыгар хааччахтаах Прокопий Гаврильевич Шестаковтарга. ⛏️ Субуотунньукка ОДьКХ учаастактааҕы салаатын начаалынньыга Николай Александров үлэһиттэриниин Егор Ноговицынныын, Петр Сивцевтиин, оскуола харабыллара Георгий Прокопьев, Иннокентий Романов, олохтоох дьаһалтаттан баһылыгы солбуйааччы Алексей Дьяконов, буҕаалтыр Василий Ефимов, Георгий Стручков үлэлээтилэр. Сиһилии ⬅️ @gazetaerkeii @ulusmedia
Открыть в MAX- Просмотры
- 643
- ER
- 2,3%
- Реакции
- 15