Пост канала
- фото
Хочоҕо аҕам саастаахтар дэкээдэлэригэр сэргэх тэрээһиннэр 👵 Хочоҕо аҕам саастаахтарга аналлаах дэкээдэҕэ сэргэх тэрээһиннэр ыытылыннылар. 🩷 «Удьурҕай» түмсүү (сал. Л.К.Петрова), «Алаһа» дьахтар сүбэтэ (М.А.Захарова) «Сылаас үтүлүк» аахсыйаҕа аҥаардас эр дьоҥҥо 15 киһиэхэ үтүлүк тиктилэр. 🎯 Улуустааҕы 20-с ыспартакыйаадаҕа 16 киһи бэйэлэрин кыахтарынан кытыннылар. Дарстка Оксана Лонгинова иккис миэстэ буолары ситистэ. Кыттыбыт бары кырдьаҕастарга олохтоох дьаһалта аатыттан грамота туттарылынна. 🩺 Дэкээдэ чэрчитинэн Наахара учаастактааҕы балыыһатын үлэһиттэрэ А.И.Захарова уонна А.А.Аргунова икки күн аҕам саастаах кырдьаҕастарбыт доруобуйаларын көрдүлэр-иһиттилэр. ☂️ Алтынньы 14 күнүгэр Хочоҕо кырдьаҕастар дэкээдэлэрин түмүктүүр үөрүүлээх күн буолла. Салайааччы Любовь Попова көҕүлээн, иилээн-саҕалаан бэрт сэргэхтик ааста. «Көмүс күһүн, көмүс саас» тэрээһиҥҥэ үбүлүөйдээхтэри эҕэрдэлээтилэр. «Күһүҥҥү киһи күлбүтүнэн» бүлүүдэ куонкуруһугар Светлана Корнилова бастакы, Аксинья Анисимова иккис, Мария Куприянова үһүс миэстэ буоллулар. «Күһүҥҥү иэйии» зонтик куонкуруһугар Светлана Корнилова бастакы, Матрена Платонова иккис, Айталина Аржакова үһүс миэстэлэннилэр. Бибилэтиэкэр Ирина Никанорова викторина оонньотто, кыайыылааҕынан Анастасия Васильева буолан сэмэй бэлэҕи тутта. 🎶 Бэлиэ киэһэни ырыаларын бэлэхтээн Варвара Никанорова, Николай Куприянов, Валерий Платонов киэргэппиттэригэр улахан махталбытын тиэрдэбит. Матрена Платонова, Хочо. @gazetaerkeii @ulusmedia
Открыть в MAX- Просмотры
- 576
- ER
- 1,4%
- Реакции
- 8