Пост канала
- фото
Дойдуларын таптыылларыгар олук буолар 🌿 Социалистическай Үлэ Дьоруойа Т.Г.Десяткин аатынан Тумул орто оскуолата РФ тыатын хаһаайыстыбатын үтүөлээх үлэһитэ Таисия Десяткина бэрэссэдээтэллээх “Тумул” ынах сүөһүнү иитэр, бурдук ыһыытынан дьарыктанар тыа хаһаайыстыбатын кэпэрэтиибин кытта дуогабардаһан, ыкса сибээстээхтик үлэлииллэр. 🌾 Владислав Кисиляхов дириэктэрдээх орто оскуола улахан кылаастарын үөрэнээччилэрэ үөрэхтэрин кэннэ кэпэрэтиип ыскылаатыгар куурдуллубут 28 туонна сэлиэһинэй бурдугу кууллаан, сааһылаан биэрдилэр. Оскуола бары үлэһиттэрэ субуотунньуктаан, 20 туонна эбиэс бурдугу кууллаатылар. Ыскылаат үлэһиттэрэ Нина Дмитриевна Иванова, Николай Николаевич Эверстов хаһаайыстыбаларга барар бурдук кэмигэр куулламмытыттан үөрүүлэрэ үрдэ суох. 🙌🏼 “Тумул” кэпэрэтиип үлэһиттэрэ оскуола кэлэктиибигэр, чуолаан, дириэктэр Владислав Николаевичка көдьүүстээх үлэни көҕүлээн, ыччаты тыа сирин бүппэт үлэтигэр сыһыаран иитэригэр барҕа махталларын биллэрдилэр. 🧑🌾 Кинилэр күүстээх үлэлээх субуотунньук кыттыылаахтарын омурҕанынан хааччыйан, сибиэһэй этинэн кутаа уокка буһарыллыбыт итии миининэн, үүттээх чэйинэн, сүөгэйинэн, үрдүттэн астаныллыбыт минньигэс, тотоойу аһылыктарынан күндүлээтилэр. Сиһилии ⬅️ @gazetaerkeii @ulusmedia
Открыть в MAX- Просмотры
- 652
- ER
- 1,7%
- Реакции
- 11