Пост канала
- фото
«Чэбдиктэн» чэбдигирэн 🏥 Тоҕуһуонус сылларга «Востоктехмонтаж» АО (сал. Борисов Спартак Степанович), Саха Өрөспүүбүлүкэтин Боропсойуустарын федерациятын (сал. Сосин Спиридон Спиридонович), социальнай страхование пуондатын эрэгийиэннээҕи отделениетын (сал. Лейзёрзон Эдуард Борисович) кыһамньыларынан «Чэбдик» санаторий-профилакторий аһыллыбыт эбит. 3️⃣5️⃣🌿 Быйыл балаҕан ыйыгар 35 сылларын бэлиэтээбиттэр. Бастакы кылаабынай бырааһынан Селивестрова Татьяна Владимировна үлэлээбит. Бары бастакы саҕалааһын үлэтин кини салайыытынан саҕалаабыттар. Чочур Мыраан анныгар, бэс чагда быыһыгар олус кэрэ көстүүлээх сиргэ санаторий билиҥҥи кэмҥэ сөп түбэһэр араас медицинскэй оборудованиенан хааччыллан сынньанааччылары эмтиир, доруобуйаларын чөлүгэр түһэрэргэ көмөлөһөр, үлэһиттэринэн толору хааччыллан үлэлии-хамсыы олороллор эбит. «Чэбдик» диэн аатыгар сөп түбэһиннэрэн сынньана кэлбит дьон-сэргэ манна сытан уопсай туруктарын чэбдигирдэллэригэр бары кыһамньы ууруллара харахха тута быраҕыллар. 👩⚕️ Билигин кылаабынай бырааһынан Чеботарева Евгения Владимировна үлэлиир. Урукку өттүгэр хаһан да санаторийга сылдьыбатах киһи мин эдьиийбин 70 сааһын туолбутунан бэлэх курдук сынньатар былааннаах кэлэн астына сынньанан, араас процедураларга сылдьан астынныбыт. «Чэбдиккэ» кэлбит дьон ЛФК-тан, массаастан саҕалаан, фитобарга, ингаляторийга, физиотерапияҕа, сухой углекислай ваннаҕа, теплолечениеҕа, спирографияҕэ, барокамераҕа, светолечениеҕа (биоптрон), «хвойнай ваннаҕа, галотерапияҕа (туустаах хос), «подводный душ» процедуралары күн аайы туһаналлар. 🩺 Биһиги санаторий үбүлүөйүгэр сөп түбэспит «золотой заезд» аатырдыбыт, эбиитин саастаахтар дэкээдэлэригэр түбэһэммит иллэҥ кэммитин туһалаахтык атаарарбытыгар ис сүрэҕиттэн кыһаллан үлэлиир Ананьева Надежда Николаевна күн аайы араас көрсүһүүлэри тэрийдэ. ❤️🩹 Полина Победаны кытта билсиһии биэчэригэр Полина Пантелеймоновна хайдах тобук ыарыытын аһардыбытын, бэйэтэ толкуйдаабыт эрчиллиилэрин көрдөрдө. Хоһоон хайдах айылларын кэпсээтэ, нойосуус ааҕан иһитиннэрдэ, кинигэлэрин автографтаан атыылаата. Сиһилии ⬅️ @gazetaerkeii @ulusmedia
Открыть в MAX- Просмотры
- 624
- ER
- 1,9%
- Реакции
- 12